తర్వాతి సినిమాతో కోరిక తీర్చుకుంటా అంటున్న కాజల్‌

కాజల్‌ను యాక్షన్‌ సీన్స్‌లో చూడాలని మీకు ఉందా? మీకేంటి… ఆమెకు కూడా అలానే ఉందట. ఎన్నో మాస్‌ సినిమాలు, యాక్షన్‌ సినిమాలు చేసిన కాజల్‌… ఇప్పటివరకు యాక్షన్‌ సీన్స్‌లో అయితే పెద్దగా నటించింది లేదు. దీంతో ఆమెకు కూడా అలాంటి కోరికే ఉందట. అంతేకాదు తన తర్వాతి సినిమాలోనే ఆ కోరిక నెరవేర్చుకుంటా అని కూడా చెప్పింది కాజల్‌. దీంతో కాజల్‌ నెక్స్ట్‌లో టామ్‌ బాయ్‌ స్టయిల్‌ పాత్ర చేస్తుందంటూ వార్తలు మొదలయ్యాయి. మరి కాజల్‌ నెక్స్ట్‌ ఏంటి… ఎందుకులో యాక్షన్‌ సీన్స్‌ చేస్తుంది అనేది ఇప్పుడు టాపిక్‌.

కాజల్‌ నటించిన ‘మోసగాళ్లు’ త్వరలో ప్రేక్షకుల ముందుకు రాబోతోంది. ఈ సందర్భంగానే కాజల్‌ తన మనసులో మాట చెప్పింది. యాక్షన్‌ నేపథ్యంలో తెరకెక్కిన ‘మోసగాళ్లు’లో ఆ ‘ఫైట్స్‌’ కోరిక నెరవేర్చుకుంటుందేమో అనుకుంటే.. ఇందులో తనకు ఎలాంటి యాక్షన్‌ సీన్స్‌ లేవని చెప్పింది కాజల్‌. అయితే తర్వాతి సినిమాలో ఫైట్స్‌ చేస్తా అని చెప్పింది. ఆ లెక్కన కాజల్‌ తర్వాతి సినిమా ‘ఆచార్య’. అందులో ఫైట్స్‌ ఉండే అవకాశం లేదు. ఇది కాకుండా నాగార్జున – ప్రవీణ్‌ సత్తారు కాంబోలో వస్తున్న సినిమాలో కాజల్‌ నటిస్తోంది. మరి అందులో కాజల్‌ ఫైట్స్‌ చేస్తుందేమో అని అంటున్నారు.

‘మోసగాళ్లు’లో తన పాత్రకు ముందుగా ప్రీతి జింటాను సంప్రదించారు. ఆమె ఎందుకు నో చెప్పారో నాకు తెలీదు అయినా ఎవరి ఇష్టం వాళ్లది కదా అని చెప్పింది. అంటే మాజీ హీరోయిన్‌ చేయాల్సిన పాత్రను… కాజల్‌ చేస్తోందన్నమాట. కాజల్‌ చేతిలో ఉన్న ప్రాజెక్టులు చూస్తే… మరో రెండు తమిళ సినిమాలకీ సంతకం చేసింది. ఇవి కాకుండా కొన్ని ఓటీటీ ప్రాజెక్టులు చర్చల దశలో ఉన్నాయి. అన్నట్లు పూర్తి స్థాయి మైథాలజీ సినిమాలో నటించాలనే కోరిక కూడా కాజల్‌కి ఉందట. మరి ఆ పాత్ర ఎవరు ఆఫర్‌ చేస్తారో చూడాలి.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!