కాజల్ ఇంక పెళ్లి చేసుకొని సెటిల్ అయిపోవడం బెటర్ అనే కంక్లూజన్స్ వస్తున్న టైమ్ లోనే “బ్రహ్మోత్సవం, సర్దార్ గబ్బర్ సింగ్” లాంటి డిజాస్టర్స్ తర్వాత కూడా కాజల్ మళ్ళీ తన స్టామినాను గట్టిగానే ప్రూవ్ చేసుకొని వరుస అవకాశాలు అందుకొంది. కానీ.. మళ్ళీ వరుస పరాజయాలతో కొట్టుమిట్టాడుతోంది. ముఖ్యంగా.. “కవచం, సీత” చిత్రాలు బాక్సాఫీస్ దగ్గర డిజాస్టర్లుగా నిలవడం, ఆమె నటించిన “ప్యారిస్ ప్యారిస్” ఎప్పుడు విడుదలవుతుందో క్లారిటీ లేకపోవడంతోపాటు.. చేతిలో ఒక్కటంటే ఒక్క స్టార్ హీరో సినిమా కూడా లేకపోవడం కాజల్ ఫ్యాన్స్ ను టెన్షన్ పెడుతోంది.
శర్వానంద్ సరసన నటించిన “రణరంగం” ఒక్కటే రిలీజ్ కి రెడీగా ఉంది. ఈ సినిమాలో కూడా కాజల్ మెయిన్ హీరోయిన్ కాదు. కానీ.. అందరి దృష్టి ఈ సినిమాపై ఉంది. సుధీర్ వర్మ తెరకెక్కిస్తున్న ఈ గ్యాంగ్ స్టర్ డ్రామా టైటిల్ లోగో మొదలుకొని పోస్టర్, టీజర్ అన్నీ విశేషంగా ఆకట్టుకొన్నాయి. ఆ కారణంగా సినిమా మీద అంచనాలు నమోదయ్యాయి. దాంతో.. కాజల్ ఫ్యాన్స్ అందరూ ఈ సినిమా ఎప్పుడు విడుదలవుతుందా అని వెయిట్ చేస్తున్నారు. ఈ సినిమా హిట్ అయితే కాజల్ మళ్ళీ ఒక రెండేళ్లకు సరిపడా అవకాశాలు దక్కించుకోగలుగుతుంది లేదంటే మాత్రం మళ్ళీ బ్రేక్ వచ్చినట్లే.
