Kalki 2898 AD: ఇక్కడ బ్లాక్ బస్టర్ హిట్.. అక్కడ కూడా ప్రభాస్ సత్తా చాటుతారా?

ప్రభాస్ (Prabhas) నాగ్ అశ్విన్ (Nag Ashwin)  కాంబినేషన్ క్రేజీ కాంబినేషన్ కాగా ఈ కాంబోలో తెరకెక్కిన కల్కి (Kalki 2898 AD)  రికార్డ్ స్థాయిలో కలెక్షన్లను సొంతం చేసుకుని బాక్సాఫీస్ వద్ద బ్లాక్ బస్టర్ హిట్ గా నిలిచింది. కల్కి సినిమా కథ, కథనంలో చిన్నచిన్న లోపాలు ఉన్నా ఈ మధ్య కాలంలో వచ్చిన బెస్ట్ సినిమాలలో ఈ సినిమా ఒకటిగా నిలిచింది. ప్రస్తుతం కల్కి సౌత్ భాషల్లో అమెజాన్ ప్రైమ్ లో హిందీ వెర్షన్ నెట్ ఫ్లిక్స్ లో స్ట్రీమింగ్ అవుతోంది.

Kalki 2898 AD

రష్యాలోని మాస్కోలో జరుగుతున్న ఇంటర్నేషనల్ ఫిల్మ్ వీక్ లో కల్కి సినిమాను ప్రదర్శించారు. ఇండియన్ సినిమాలు రష్యా దేశంలో విడుదలై అక్కడ కూడా పాజిటివ్ రెస్పాన్స్ ను సొంతం చేసుకున్న సందర్భాలు అయితే ఎక్కువగానే ఉన్నాయనే సంగతి తెలిసిందే. అయితే త్వరలో ఈ సినిమాను రష్యన్ భాషలో సైతం విడుదల చేయనున్నట్టు కల్కి నిర్మాతలు స్వప్న దత్ (Swapna Dutt) , ప్రియాంక దత్ (Priyanka Dutt) చెప్పుకొచ్చారు.

ఇక్కడ బ్లాక్ బస్టర్ హిట్ గా నిలిచిన కల్కి మూవీ డబ్ అయ్యి రష్యాలో సైతం బ్లాక్ బస్టర్ హిట్ గా నిలిస్తే ఫ్యాన్స్ సంతోషానికి అవధులు ఉండవు. బాక్సాఫీస్ వద్ద ఇప్పటికే ఈ సినిమాకు సంబంధించి 1100 కోట్ల రూపాయలకు పైగా కలెక్షన్లు వచ్చాయి. కల్కి సినిమా పాన్ వరల్డ్ స్థాయిలో బాక్సాఫీస్ ను షేక్ చేసి సీక్వెల్ పై అంచనాలను పెంచేసింది. కల్కి2 మూవీ 2026 సంవత్సరంలో లేదా 2027 సంవత్సరంలో విడుదల కానుంది.

కల్కి సీక్వెల్ ఎన్నో ప్రత్యేకతలతో తెరకెక్కుతుండగా సీక్వెల్ లో ప్రభాస్ పాత్రను ఉన్నతంగా చూపించనున్నట్టు నాగ్ అశ్విన్ వెల్లడించారు. కల్కి2 సినిమాలో మరిన్ని ప్రపంచాలను ప్రేక్షకులకు పరిచయం చేయనున్నారు. కల్కి సీక్వెల్ లో మరిన్ని కొత్త పాత్రలు సైతం పరిచయం అయ్యే అవకాశాలు ఉన్నాయని అభిప్రాయాలు వ్యక్తమవుతున్నాయి.

బన్నీ ఏం చేసినా తప్పేనా.. అలా చేస్తే మాత్రమే వివాదాలకు చెక్!