నందమూరి కళ్యాణ్ రామ్ హీరోగా ‘బింబిసార’ అనే చారిత్రాత్మక చిత్రం తెరకెక్కుతున్న సంగతి తెలిసిందే. మొన్నామధ్య విడుదలైన ఫస్ట్ లుక్ కూడా ఈ చిత్రం పై హైప్ క్రియేట్ అయ్యేలా చేసింది. దాదాపు రూ.30 కోట్ల బడ్జెట్ తో స్వయంగా హీరో కళ్యాణ్ రామే ఈ చిత్రాన్ని నిర్మిస్తున్నాడు. అతని కెరీర్లో ఇదే హైయెస్ట్ బడ్జెట్ చిత్రం. ఇంత బడ్జెట్ అంటే చాలా రిస్కే. కానీ కళ్యాణ్ రామ్ కు ఇలాంటి రిస్క్ లు చేయడం కొత్తేమి కాదు.
గతంలో ‘హరేరామ్’ ‘ఓం 3D’ ‘ఇజం’ వంటి భారీ బడ్జెట్ చిత్రాలను నిర్మించి చేతులు కాల్చుకున్న అనుభవం కూడా కళ్యాణ్ రామ్ కు ఉంది. కథ నచ్చితే కళ్యాణ్ రామ్.. ఆ ప్రాజెక్టుని వదులుకోడు. ఇదిలా ఉండగా.. ఈ మధ్య కాలంలో కళ్యాణ్ రామ్ ఎక్కువగా తమ్ముడు ఎన్టీఆర్ సలహాలే ఎక్కువగా తీసుకుంటూ వచ్చాడు. ఈ క్రమంలో నిర్మాణ రంగానికి కాస్త దూరంగా ఉండమని ఎన్టీఆర్.. కళ్యాణ్ రామ్ కు సూచించినట్టు కూడా వార్తలు వినిపించాయి. అయితే ఈసారి ఎన్టీఆర్ ను కాదని కళ్యాణ్ రామ్ ‘బింబిసార’ నిర్మిస్తున్నాడు.
పైగా ఈ చిత్రం ఫస్ట్ కాపీ రెడీ అయిన వెంటనే ఎన్టీఆర్ ను కాదని బాలయ్యకి ఈ చిత్రాన్ని చూపించాలని కళ్యాణ్ రామ్ భావిస్తున్నాడట. ఇక్కడ ఎన్టీఆర్ ను పక్కన పెట్టాలి అనేది కళ్యాణ్ రామ్ ఉద్దేశం కాదు. నిజానికి బాలయ్య ఎన్నో పౌరాణిక, చారిత్రాత్మక చిత్రాలు చేసి హిట్లు అందుకున్నాడు. అతని అనుభవం వాడుకుని… ఏమైనా మార్పులు చెబితే చేయాలనేది అతని ప్రధాన ఉద్దేశం అంతే..! నిజానికి ‘బింబిసార’ స్క్రిప్ట్ విషయంలో కూడా బాలయ్య పలు మార్పులు చెప్పడం.. వాటినిదర్శకుడు మల్లిడి వశిష్ట్ ఆచరించడం జరిగాయి అనేది ఇండస్ట్రీ టాక్.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్‌ ఎంతంటే?
Home