కళ్యాణ్ రామ్‌ కొత్త సినిమా మొదలైందనే విషయం అందరికీ తెలిసిందే. మైత్రీ మూవీ మేకర్స్‌ బ్యానర్‌ మీద రాజేందర్‌ రెడ్డి దర్శకత్వంలో ఈ సినిమా ఉండబోతోంది. నిజానికి ఈ సినిమా గతేడాది మొదలై, ఈ పాటికి విడుదలై పోయుండాలి. అయితే మహమ్మారి కారణంగా ఆలస్యమవుతూ వచ్చింది. గతేడాది జులైలో మొదలుపెడదాం అనుకున్న సినిమాను వచ్చే నెల ద్వితీయార్ధంలో ప్రారంభిస్తారట. ఈ నేపత్యంలో సినిమా గురించి ఆసక్తికర విషయాలు బయటికొచ్చాయి. అందులో కళ్యాణ్‌రామ్‌ ట్రిపుల్‌ రోల్‌ పాతదే అయినా, మయన్మార్‌ సరిహద్దులో షూటింగ్‌ చేస్తారనేది కొత్త విషయం.
దర్శకుడు రాజేందర్‌ రెడ్డి గతంలో బొమ్మరిల్లు భాస్కర్‌, సురేందర్‌ రెడ్డి దగ్గర దర్శకత్వ శాఖలో పని చేశారు. ప్రస్తుతం కళ్యాణ్ రామ్‌ సినిమా పూర్తిస్థాయి యాక్షన్‌ థ్రిల్లర్‌గా ఉండబోతోందట. అందులో ట్విస్టులు, టర్న్‌లు కూడా ఉంటాయట. సినిమాలో 80 శాతం చిత్రీకరణ హైదరాబాద్‌లో జరగనుంది. అలాగే కొంతమేర చిత్రీకరణ భారత్‌- మయన్మార్‌ సరిహద్దుల్లో చేయడానికి చిత్రబృందం ప్రయత్నిస్తోందట. దాంతోపాటు గోవాలోనూ కొంత భాగం చిత్రీకరణ ఉంటుందట. ప్రస్తుతం మయన్మార్‌ ఉన్న పరిస్థితుల దృష్ట్యా బోర్డర్‌లో షూటింగ్‌ ఉంటుందా అనేది డౌట్‌.
మరోవైపు కళ్యాణ్ రామ్‌ ఇంకో సినిమాలోనూ నటిస్తున్నాడు. ఆ సినిమా కూడా ఇటీవలే ప్రారంభమైంది. ఈ సినిమా విషయంలో చాలా ఆసక్తికరమైన వార్తలు ఆ మధ్య చర్చలోకి వచ్చాయి. సోషియో ఫాంటసీ తరహాలో రూపొందుతున్న ఈ సినిమా పునర్జన్మల నేపథ్యంలో ఉంటుందట. ఈ సినిమాలో కళ్యాణ్ రామ్‌ పాత్ర దిల్లీ సుల్తాన్ల తరహాలో ఉంటుందట. పునర్జన్మ ఎత్తిన తుగ్లక్‌లా కళ్యాణ్ రామ్‌ కనిపిస్తారని ఆ రోజుల్లో వార్తలొచ్చాయి. అయితే ఇప్పుడు ఇదే కథతో ఈ సినిమా తీస్తున్నారా అనేది చూడాలి.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
