Kangana Ranaut: సందీప్ రెడ్డితో సినిమా చేయడంపై కంగనా షాకింగ్ కామెంట్స్!

టాలీవుడ్ ఇండస్ట్రీలో డైరెక్టర్ గా అర్జున్ రెడ్డి సినిమాకు పరిచయమయ్యి అనంతరం యానిమల్ సినిమా ద్వారా ప్రేక్షకుల ముందుకు వచ్చినటువంటి సందీప్ రెడ్డి మరో సక్సెస్ అందుకున్న సంగతి తెలిసిందే. రణబీర్ కపూర్ రష్మిక హీరో హీరోయిన్లుగా నటించినటువంటి ఈ సినిమా గత డిసెంబర్ ఒకటో తేదీ ప్రేక్షకుల ముందుకు వచ్చింది. ఈ సినిమాలో పురుషాధిక్యత ఎక్కువగా ఉండటంతో ఈ సినిమా పట్ల ఎంతో మంది విమర్శలు కురిపించారు. ఇలా ఈ సినిమా పట్ల ఎవరైతే విమర్శలు చేశారో అలాంటి వారందరికీ కూడా డైరెక్టర్ తన స్టైల్ లోనే కౌంటర్ ఇస్తూ వచ్చారు.

అయితే తాజాగా నటి కంగనా రనౌత్ యానిమల్ సినిమా గురించి చేసిన కామెంట్స్ వైరల్ అవుతున్నాయి. ఈ సినిమా గురించి స్పందిస్తూ మహిళలను శృంగార వస్తువులుగా భావించి బూట్లు నాకమని అడిగే హీరోల సినిమాలను ప్రేక్షకులు ప్రోత్సహిస్తారని మహిళా సాధికారత సినిమాలు చేస్తున్న తనకు ఇది తీవ్రంగా నిరుత్సాహానికి గురి చేస్తుందని తెలిపారు.

ఇక ఈమె వ్యాఖ్యలపై సందీప్ రెడ్డి స్పందిస్తూ తన సినిమా గురించి కంగనా ఎలాంటి విమర్శలు చేస్తున్న తనకు బాధ లేదని తెలిపారు. ఎందుకంటే నా సినిమాలలో ఆమెకు సరిపోయే పాత్ర ఉంటే తప్పనిసరిగా తనకు కథ వివరిస్తానని సందీప్ తెలపగా వెంటనే కంగనా స్పందిస్తూ సినిమాను సమీక్షించడానికి విమర్శించడానికి తేడా ఉందని అన్నారు.

యానిమల్ సినిమాపై నా విమర్శల గురించి సందీప్ నవ్వుతూ మాట్లాడారని (Kangana Ranaut) కంగనా రనౌత్ పేర్కొన్నారు. అక్కడే అతనికి నాపై ఉన్నటువంటి గౌరవం ఏంటో తెలిసిపోతుందని తెలిపారు. మీ సినిమాల్లో నాకు ఎలాంటి పాత్రలు ఇవ్వవద్దని అలా ఇస్తే మీ ఆల్ఫా హీరోలు ఫెమినిస్ట్ లు అవుతారని, అది మీకు సమస్యగా మారుతుందని మీలాంటివారు ఇండస్ట్రీకి అవసరమంటూ ఈ సందర్భంగా కంగనా చెప్పుకు వచ్చారు.

అంబాజీపేట మ్యారేజ్ బ్యాండ్ సినిమా రివ్యూ & రేటింగ్!

మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!