సూర్య Suriya) హీరోగా ‘సిరుతై’ శివ (Siva) దర్శకత్వంలో తెరకెక్కిన పాన్ ఇండియా చిత్రం ‘కంగువా’ (Kanguva) .’దిశా పటాని (Disha Patani) హీరోయిన్ గా నటించిన ఈ చిత్రాన్ని ‘యూవీ క్రియేషన్స్’, ‘స్టూడియో గ్రీన్’ సంస్థలు సంయుక్తంగా నిర్మించాయి. భారీ హైప్ తో నవంబర్ 14న విడుదలైన ‘కంగువా’ చిత్రం మొదటి షోతోనే డిజాస్టర్ టాక్ ను మూటగట్టుకుంది. దీంతో ఓపెనింగ్స్ కూడా నిరాశపరిచాయి. మొదటి రోజు పర్వాలేదు అనిపించినప్పటికీ.. రెండో రోజు బాగా డౌన్ అయ్యింది.
శని, ఆది వారాల్లో కూడా కోలుకోలేదు. ఒకసారి ఫస్ట్ వీకెండ్ కలెక్షన్స్ ని గమనిస్తే :
| నైజాం | 2.75 cr |
| సీడెడ్ | 0.98 cr |
| ఉత్తరాంధ్ర | 1.09 cr |
| ఈస్ట్ | 0.35 cr |
| వెస్ట్ | 0.23 cr |
| గుంటూరు | 0.30 cr |
| కృష్ణా | 0.46 cr |
| నెల్లూరు | 0.14 cr |
| ఏపీ + తెలంగాణ (టోటల్) | 6.30 cr |
‘కంగువా’ చిత్రానికి రూ.13 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.14 కోట్ల వరకు షేర్ ను రాబట్టాలి. 4 రోజులు పూర్తయ్యేసరికి ఈ సినిమా రూ.6.3 కోట్ల షేర్ ను మాత్రమే రాబట్టింది. బ్రేక్ ఈవెన్ కోసం మరో రూ.7.7 కోట్ల షేర్ ను రాబట్టాల్సి ఉంది. శని, ఆది వారాల్లో కూడా క్యాష్ చేసుకుంది అంటూ ఏమీ లేదు. వీక్ డేస్ లో కూడా ఇదే విధంగా కలెక్ట్ చేస్తే కొంచెం ఎక్కువ రికవరీ అయ్యే అవకాశం ఉంటుంది.
