ఆర్ ఆర్ ఆర్ లో కన్నడ స్టార్ హీరో..?

ఆర్ ఆర్ ఆర్ క్యాస్టింగ్ గురించి ఓ క్రేజీ న్యూస్ బయటికి వచ్చింది. ఈ చిత్రంలో కన్నడ సూపర్ స్టార్ సుధీప్ ఓ కీలక రోల్ చేస్తున్నారట. కన్నడనాట స్టార్ హీరో ఇమేజ్ ఉన్న సుధీప్ హీరోగా వరుస సినిమాలు చేస్తూనే ఇతర పరిశ్రమలో ప్రాధాన్యం ఉన్న రోల్స్ చేస్తూ ఉంటాడు. అది ప్రతి నాయకుడు కావచ్చు, సపోర్టింగ్ రోల్ కావచ్చు. రాజమౌళి నాని హీరోగా చేసిన ప్రయోగాత్మక ఫిక్షన్ మూవీ ఈగ చిత్రంలో మొదటిసారి సుధీప్ విలన్ గా ఎంట్రీ ఇచ్చారు. ఆ తరువాత బాహుబలి లో ఓ పాత్ర చేయడం జరిగింది. అలాగే గత ఏడాది మెగాస్టార్ చిరంజీవి హీరోగా తెరకెక్కిన భారీ పీరియాడిక్ మూవీ సైరాలో అవుకు రాజు పాత్ర చేశారు.

అలాగే సల్మాన్ దబంగ్ చిత్రంలో నెగెటివి రోల్ చేశారు. కాగా తన గత రెండు చిత్రాలలో సుధీప్ కి మంచి రోల్స్ ఇచ్చిన రాజమౌళి ఆర్ ఆర్ ఆర్ లో కూడా ఆయన కోసం ఓ రోల్ డిజైన్ చేశారట. ఆయన పాత్ర సినిమాలో కీలకంగానే ఉంటుందని తెలుస్తున్న సమాచారం. మరి ఈ వార్తలో నిజం ఎంత ఉందో తెలియదు కానీ టాలీవుడ్ లో చక్కర్లు కొడుతుంది.ఇదే కనుక నిజం అయితే ప్రతి పాత్రకు వంద శాతం పరిపూర్ణత ఇచ్చే సుదీప్ ఆర్ ఆర్ ఆర్ లో తన యాక్టింగ్ తో మెప్పించడం ఖాయం. ఇక ఆర్ ఆర్ ఆర్ నెక్స్ట్ షెడ్యూల్ రాజమౌళి వికారాబాద్ అడవులలో చిత్రీకరించనున్నారు. ఓ యాక్షన్ సీక్వెన్స్ చిత్రీకరించాల్సివుండగా ఇద్దరు హీరోలు పాల్గొననున్నారు. డివివి దానయ్య నిర్మాతగా తెరకెక్కుతున్న ఈ చిత్రంలో అలియా, అజయ్ దేవగణ్ కూడా నటించడం విశేషం.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!