బాలీవుడ్ అగ్ర నిర్మాత కరణ్ జోహార్ ఈ మధ్యకాలంలో సౌత్ సినిమాలు, సౌత్ స్టార్స్ పై దృష్టి పెట్టారు. సౌత్ నుంచి పాన్ ఇండియా రేంజ్ లో వస్తోన్న సినిమాలకు బాలీవుడ్ లో తనవంతు ప్రచారం చేసి పెడుతున్నారు. తనకు సినిమా నచ్చితే స్వయంగా రిలీజ్ చేస్తున్నారు. ప్రభాస్, ఎన్టీఆర్, రామ్ చరణ్, రాజమౌళి సినిమాల గురించి కరణ్ ఓ అంచనాకు వచ్చారు. మిగిలిన తెలుగు స్టార్స్ కూడా ఏదొక రోజు బాలీవుడ్ ను షేక్ చేస్తారని ఊహించారు.
అందుకే కొంతమంది తెలుగు హీరోల విషయంలో ఆయన స్పెషల్ కేర్ తీసుకుంటున్నారు. అందులో విజయ్ దేవరకొండ ఒకరు. ‘లైగర్’ సినిమా తెలుగులో సరిగ్గా ఆడలేదు. బాలీవుడ్ లో కూడా అంతంతమాత్రంగానే ఆడింది. కానీ అక్కడ కలెక్షన్స్ మాత్రం వచ్చాయి. విజయ్ కి బాలీవుడ్ లో మంచి క్రేజ్ ఉందని చెప్పడానికి ఇదొక ఉదాహరణ. విజయ్ దేవరకొండ స్టామినా అంచనా వేసిన కరణ్ జోహార్.. బాలీవుడ్ ప్రాజెక్ట్స్ ను సెట్ చేసే బాధ్యత తీసుకున్నారు.
రీసెంట్ గా బాలీవుడ్ లో గుడ్ బై’ అనే సినిమా విడుదలైంది. అమితాబ్ బచ్చన్, రష్మిక కలిసి నటించిన ఈ సినిమాను వికాస్ అనే దర్శకుడు తెరకెక్కించారు. కంగనా నటించిన ‘క్వీన్’ సినిమాను కూడా ఆయనే డైరెక్ట్ చేశారు. ఈ సినిమా ఆయనకు దర్శకుడిగా మంచి పేరు తీసుకొచ్చింది. ఇలాంటి దర్శకుడు విజయ్ దేవరకొండ కోసం ఓ స్క్రిప్ట్ రెడీ చేసుకున్నారు. ఆ కథ విజయ్ కి కూడా నచ్చింది. కానీ కరణ్ జోహార్ మాత్రం వద్దని అన్నారట.
అప్పటికి ‘గుడ్ బై’ సినిమా రిలీజ్ కాలేదు. ఈ సినిమాపై సరైన అంచనాలు కూడా లేవు. అందుకే విజయ్ ని అప్పుడే ప్రాజెక్ట్ ఒప్పుకోవద్దని సూచించారట కరణ్ జోహారు. కరణ్ ఊహించిన విధంగానే ‘గుడ్ బై’ సినిమాకి ప్లాప్ టాక్ వచ్చింది. విజయ్ గనుక ముందే సినిమా ఒప్పుకొని ఉంటే మాటకు కట్టుబడి సినిమా చేయాల్సి వచ్చేది. కానీ కరణ్ సలహాతో తప్పించుకున్నారు. త్వరలోనే విజయ్ దేవరకొండ బాలీవుడ్ ఓ సినిమా చేయబోతున్నారు. ఇందులో కరణ్ జోహార్ హ్యాండ్ ఉంటుందనేది క్లియర్.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
Home