Karmakhya Review in Telugu: కర్మాఖ్య సినిమా రివ్యూ & రేటింగ్!

కథ: ప్రవల్లిక(శరణ్య ప్రదీప్) కామాఖ్య(సమైరా) హాస్టల్మేట్స్. అలాగే ఫ్రెండ్స్ కూడా..! ఇద్దరూ ఉద్యోగాలు చేసుకుంటారు. అయితే ఒక టైంలో కామాఖ్య జాబ్ పోతుంది. అందువల్ల ఆమె తాను బ్యాంక్లో తీసుకున్న లోన్ కట్టలేక ఇబ్బందులు పడుతూ ఉంటుంది. సరిగ్గా అలాంటి టైంలో ప్రవల్లిక .. కామాఖ్యకి కొంత ఆర్ధిక సాయం చేస్తుంది. తర్వాత అనుకోకుండా ప్రవల్లిక ఒక ఫంక్షన్ కి హాజరు కావాల్సి వస్తుంది. అందువల్ల ఆమె విధులకి వెళ్లలేని పరిస్థితి. విషయం తెలుసుకున్న తర్వాత కామాఖ్య .. ప్రవల్లికకి హెల్ప్ చేయాలని డిసైడ్ అవుతుంది.

ఇందులో భాగంగా.. నగరం శివార్లలో ఉన్న నవోదయ కాలనీలో ఉన్న ప్రజ్ఞ కుటుంబ సభ్యులైన సరోజిని(అభిరామి) ప్రభాకర్ (ఆనంద్) దంపతులకి రూ.25 లక్షల ఇన్సూరెన్స్ పాలసీ అందజేసి వివరాలు కలెక్ట్ చేసుకోవాలి. ఈ పనిపై వాళ్ళ ఇంటికి వెళ్ళిన కామాఖ్యకి ఊహించని షాక్ ఇస్తారు సరోజిని, ప్రభాకర్. అదేంటి? వాళ్ళ వల్ల కామాఖ్యకి వచ్చిన సమస్యలు ఏంటి? మధ్యలో తిరుపతి(సముద్రఖని) ఎవరు? వంటి ప్రశ్నలకి సమాధానమే మిగిలిన సినిమా అని చెప్పాలి.

నటీనటుల పనితీరు: కథ మొత్తం తిరిగేది సమైరా పాత్ర చుట్టూనే. చాలా వెయిటేజీ ఉన్న పాత్ర ఇది. కానీ ఎందుకో ఆమె మిస్ మ్యాచ్ అనిపించింది. సమైరా బదులు వేరే ఫెమిలియర్ ఆర్టిస్ట్ ను పెట్టుకోవాల్సింది. తిరుపతి అనే కమర్షియల్ పోలీస్ పాత్రలో సముద్రఖని బాగా చేశాడు. అతని క్యారెక్టరైజేషన్ కావచ్చు, బాడీ లాంగ్వేజ్ కావచ్చు కామెడీ పండిస్తాయి. అభిరామి, శరణ్య ప్రదీప్.. లకి మంచి పాత్రలు పడ్డాయి.
వీరి పాత్రలు ఆడియన్స్ ను కూడా ఒకింత షాక్..కి గురిచేస్తాయి అని చెప్పాలి.

నెవెర్ బిఫోర్ అనే విధంగా వాళ్ళు పెర్ఫార్మ్ చేసి.. తమ పాత్రలకి న్యాయం చేశారు. సీనియర్ నటుడు ఆనంద్ కి కూడా మంచి పాత్ర దొరికింది. ధనరాజ్, గడ్డం నవీన్, జోష్ రవి, అదిరే అభి(దర్శకుడు) వంటి జబర్దస్త్ ఆర్టిస్టులు కూడా అక్కడక్కడ కనిపించారు. కానీ కామెడీ అయితే పండలేదు. మధునందన్ కూడా ఇంపార్టెంట్ రోల్ ప్లే చేశాడు. అది పర్వాలేదు అనిపిస్తుంది.

విశ్లేషణ: ఈ సినిమాకి ‘కామాఖ్య’ అనేది యాప్ట్ టైటిల్. కానీ సెన్సార్ వాళ్ళ గురించి మార్చాల్సి వచ్చినప్పుడు .. దానికి రిలేటబుల్ టైటిల్ ఏదైనా ఆలోచించి పెట్టాల్సింది. ‘కర్మాఖ్య’ అనే టైటిల్ అస్సలు యాప్ట్ అవ్వలేదు. ఈ సినిమాకి ఫస్ట్ మైనస్ అంటే ఇదే అని చెప్పాలి. ఇక ఫస్ట్ హాఫ్ ఇంట్రెస్టింగ్ గా మొదలైనప్పటికీ .. తర్వాత వచ్చే కొన్ని సన్నివేశాలు సీరియల్ ను తలపిస్తాయి. ఎప్పుడైతే హీరోయిన్ వెళ్ళి.. అభిరామి ఇంట్లో చిక్కుకుందో.. అక్కడి వరకు ఆడియన్స్..కి ఎక్సైట్మెంట్ అనేది కలగదు.

ఇంటర్వెల్ బ్లాక్ బాగుంది. సెకండాఫ్ పై ఆసక్తిని రేకెత్తిస్తుంది. అలాగే సెకండాఫ్ కూడా ఫస్ట్ హాఫ్ కంటే బెటర్ గా అనిపిస్తుంది. ప్రీ క్లైమాక్స్ లో వచ్చే ట్విస్ట్ అలాగే క్లైమాక్స్ కూడా పర్వాలేదు అనిపిస్తాయి. నిర్మాణ లోపాలు ఉన్నాయి. సినిమాటోగ్రఫీ బాగున్నప్పటికీ, బ్యాక్ గ్రౌండ్ స్కోర్ అంత ఎఫెక్టివ్ గా లేదు. థ్రిల్లర్ కథలకి బ్యాక్ గ్రౌండ్ స్కోర్, సౌండ్ ఎఫెక్ట్స్ బాగుంటేనే ఆడియన్ అలర్ట్ అయ్యి థియేటర్ లో కూర్చుంటాడు. ఆ ఇంపాక్ట్ ఇక్కడ మిస్ అయ్యింది.

విశ్లేషణ: ‘కర్మాఖ్య’ ఫస్ట్ హాఫ్ స్లోగా ఉన్నప్పటికీ.. సెకండాఫ్ మాత్రం బెటర్ గా అనిపిస్తుంది. ముఖ్యంగా క్లైమాక్స్ లో ట్విస్టులు అవి వర్కౌట్ అయ్యాయి. థియేటర్లలో ఏమో కానీ ఓటీటీ ఆడియన్స్ ను మెప్పించే అంశాలు ఇందులో ఉన్నాయి.

ఫోకస్ పాయింట్: ఓటీటీకి ఓకె.. థియేటర్..కి వీకే

రేటింగ్: 2.25/5