వేగంగా అమ్ముడుపోతున్న కాటమరాయుడు టికెట్లు

సర్దార్ గబ్బర్ సింగ్ ఫెయిల్ అయినప్పటికీ  దాని ప్రభావం పవన్ కళ్యాణ్ తాజా చిత్రంపై పడలేదు. ఫ్యాక్షన్ లీడర్ గా ఆయన నటించిన కాటమరాయుడు సినిమా చూడాలని అభిమానులు ఆతృతగా ఎదురుచూస్తున్నారు. డాలీ దర్శకత్వంలో శరత్ మరార్ నిర్మించిన ఈ మూవీ శుక్రవారం థియేటర్లోకి రానుంది. అందుకోసం టికెట్ల విక్రయాలు మొదలయ్యాయి. ముందస్తుగా టికెట్స్ ని ఆన్ లైన్లో అలా పెట్టగానే హాట్ కేకుల్లా అమ్ముడుపోతున్నాయని సమాచారం. తమిళ చిత్రం వీరమ్ కి ఇది రీమేక్  అయినప్పటికీ తమిళనాడులో తెలుగు ప్రజలు ఈ చిత్రాన్ని చూసేందుకు ఆసక్తి కనబరుస్తున్నారు. అక్కడి డిస్ట్రిబ్యూటర్లు కాటమరాయుడు థియేటర్ రైట్స్ ని  90 లక్షలకు కొనుగోలు చేశారు.

ఇక ఈ చిత్రాన్ని మార్చి 24 చెన్నై నగరంలోని పలు ప్రధాన మల్టీ ప్లెక్సుల్లో పెద్ద సంఖ్యలో షోలు ప్లాన్ చేశారు. ఒక్క మాయాజాల్ మల్టీ ప్లెక్సులోనే 51 షోలు ప్రదర్శించనున్నారని టాక్. ఇలా తెలుగు రాష్ట్రాల్లోనూ, తమిళనాడులోనూ కాటమరాయుడు హంగామా సృష్టిస్తున్నాడు. మొదటి రోజు కలెక్షన్లలో ఈ చిత్రం రికార్డులు నెలకొల్పుతుందని సినీ విశ్లేషకులు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.