పవర్ స్టార్ పవన్ కళ్యాణ్ సినిమా కొంత ఆలస్యంగా మొదలయినప్పటికీ అభిమానులను నిరాశ పరచడం లేదు. ప్రతి పండగకి తన సినిమాకు సంబంధించిన విశేషాలను పంచుకుంటూ ఫ్యాన్స్ లో ఉత్సాహాన్ని నింపుతున్నారు. డాలీ దర్శకత్వంలో పవన్ నటిస్తున్న కాటమరాయుడు షూటింగ్ వేగంగా జరుగుతోంది. శరత్ మరార్ నిర్మిస్తున్న ఈ మూవీ ఫస్ట్ లుక్ ని దీపావళి కానుకగా రిలీజ్ చేశారు. పవన్ కళ్యాణ్, శృతిహాసన్ కలిసి దీపం వెలిగిస్తున్న ఆ మోషన్ పోస్టర్ ఫ్యాన్స్ కి విపరీతంగా నచ్చింది. సినిమాపై అంచనాలను కూడా పెంచింది. తర్వాత జనవరి ఫస్ట్ న రిలీజ్ చేసిన కాటమరాయుడు సెకండ్ లుక్ పోస్టర్ పవన్ సత్తా చూపించింది. ఫ్యాక్షన్ లీడర్ స్టిల్ అదిరిపోయింది.
ఈ సారి సంక్రాంతికి ఏకంగా టీజర్ ని రిలీజ్ చేయాలనీ పవర్ స్టార్ ఫిక్స్ అయ్యారు. పెద్ద పండుగకు కానుకగా అద్భుతమైన టీజర్ ని ఫ్యాన్స్ కి అందించడానికి కాటమరాయుడు టీమ్ శ్రమిస్తోంది. శృతిహాసన్ హీరోయిన్ గా నటిస్తున్న ఈ మూవీ ఫిబ్రవరి మొదటి వారానికి షూటింగ్ కంప్లీట్ చేసుకోనుంది. ముందుగా ప్రకటించినట్లు ఉగాది సందర్భంగా మార్చి 29న కాటమరాయుడు థియేటర్లలోకి రానున్నాడు.
Also, do SUBSCRIBE to our YouTube channel to get latest Tollywood updates.
