స్టార్ హీరోలను ఇబ్బంది పెడుతున్న కీర్తి సురేష్!

నేను శైలజ మూవీతో కీర్తి సురేష్ తెలుగు ప్రజలకు దగ్గరయ్యారు. నేను లోకల్ తో వరుసగా రెండు విజయాలను సొంతం చేసుకున్నారు. తమిళంలోనూ ఆమె నటించిన రెమో కూడా మంచి పేరు తెచ్చిపెట్టింది. దీంతో కోలీవుడ్, టాలీవుడ్ స్టార్ హీరోల సరసన నటించే అవకాశం పట్టేసింది. ప్రస్తుతం తెలుగులో పవన్ కళ్యాణ్ కి జోడీగా నటిస్తోంది. త్రివిక్రమ్ శ్రీనివాస్ దర్శకత్వంలో రూపొందుతున్న ఈ చిత్రం వేగంగా షూటింగ్ జరుపుకుంటోంది. దీంతో పాటు సావిత్రి బయోపిక్ లో టైటిల్ రోల్ చేస్తోంది. ఇది ద్వి భాష చిత్రం. ఇక తమిళంలో సూర్యతో తానా సెరేంద్ర కూట్టం, విక్రమ్ తో సామి 2, విశాల్ తో శాండాకోజి2(పందెంకోడి2) చిత్రాలలో కీర్తి హీరోయిన్ గా నటిస్తోంది.

ఇవన్నీ ఒకేసారి సెట్స్ మీదకు ఉండడంతో ఒక్క కాల్ షీట్ ని కూడా సర్దుబాటు చేయలేకపోతోంది. దీంతో నిర్మాతలు ఆమె కాల్ షీట్ కోసం తిప్పలు పడుతున్నారు. స్టార్ హీరోలైతే తమ కాల్షీట్స్ ని వృథా చేసుకుంటున్నారు. చేసేది ఏమి లేక షూటింగ్ లను పోస్ట్ ఫోన్ చేసుకుంటున్నారు. కొంతమంది నిర్మాతలు అసహనంతో కీర్తి తో గొడవకు దిగుతున్నారు. ఈ విషయం తెలిసి కొత్త సినిమాలో కీర్తి ని తీసుకోవాలా ? వద్దా? అని ఆలోచిస్తున్నారు.  మరి కీర్తి సురేష్ దీనిపై ఎలా స్పందిస్తారో చూడాలి.