మహేష్ పక్కన కనిపించాలంటే ఆమాత్రం ఉండాలి మరి!

December 28, 2020 / 09:46 PM ISTByFilmy Focus

Join Us

మహేష్ పక్కన కనిపించాలంటే ఆమాత్రం ఉండాలి మరి!

కీర్తి సురేష్ అనగానే ఇప్పుడు మహానటి సినిమా గుర్తొచ్చేస్తుంది కానీ.. ఆ సినిమాకి ముందు వరకు కీర్తి అంటే బుగ్గలేసుకొని బొద్దుగా కనిపించే ముద్దుగుమ్మ గుర్తొచ్చేది. అమ్మడి నటన కంటే ఆమె క్యూట్ నెస్ కె ఎక్కువ మార్కులు పడేవి. అలాంటి కీర్తి “మహానటి” టైంలో పెరిగిన బరువును తగ్గించుకోవడం కోసం చేసిన విపరీతమైన డైట్ కాస్త ఎక్కువ ఫలితాన్ని చూపించాయి. చక్కనమ్మా చిక్కినా అందమే అనుకున్నప్పటికీ.. కీర్తి మరీ ఎక్కువగా చిక్కిపోయి మరీ పీలగా తయారయ్యింది.

“పెంగ్విన్, మిస్ ఇండియా” సినిమాల్లో కీర్తిని చూసినోళ్లందరూ “ఈ అమ్మాయి ఇలా అయిపోయిందేమిటి?!” అని అవాక్కయ్యారు. అయితే.. మహేష్ సరసన “సర్కారు వారి పాట”లో అవకాశం దక్కించుకున్న కీర్తి, తన ప్రెజంట్ లుక్ తో మహేష్ పక్కన అందంగా కనిపించడం కష్టమని గ్రహించి బరువు పెరగడం మొదలెట్టింది. నెల రోజుల్లో దాదాపు 8 కేజీల బరువు పెరగనుంది కీర్తి. అందుకోసం పోష్టికాహారం తీసుకోవడం మొదలెట్టింది. మహేష్ బాబు పక్కన బుట్ట బొమ్మలా ఉండే అనుష్క, పూజా హెగ్డేలే ఆనలేదు.

Mahesh Babu on Keerthy Suresh1

అలాంటిది కీర్తి అలా చిక్కిపోతే హీరోయిన్ గా ఎక్కడ కనిపిస్తుంది చెప్పండి. సో, ఆమాత్రం బరువు పెరగడంలో తప్పులేదు. అయితే.. మన సౌత్ ఇండియన్ ఆడియన్స్ కు కాస్త బొద్దుగా ఉండే అమ్మాయిలంటేనే ఎక్కువ ఇష్టం. సో మళ్ళీ కీర్తిని సొట్ట బుగ్గలతో సర్కారు వారి పాటలో చూడొచ్చన్నమాట.