అతడు ఇచ్చిన ప్రేమ లేఖ ఇప్పటికీ దాచుకున్నాను

టాలీవుడ్ టాప్ హీరోయిన్స్ లో కీర్తి సురేష్ ఒకరు. ఆమె ఓ పక్క నటనకు ప్రాధాన్యం ఉన్న లేడీ ఓరియెంటెడ్ చిత్రాలు చేస్తూనే, మరో ప్రక్క స్టార్ హీరోలతో కమర్షియల్ చిత్రాలు కూడా చేస్తున్నారు. తెలుగులో మిస్ ఇండియా చిత్రంతో పాటు, నితిన్ సరసన రంగ్ దే మూవీ మరియు మహేష్ హీరోగా తెరకెక్కుతున్న సర్కారు వారి పాట అనే భారీ చిత్రంలో నటిస్తుంది. కాగా కీర్తి సురేష్ పరిశ్రమలో అడుగుపెట్టి చాలా కాలం అవుతున్నా, ఆమెపై ఎఫైర్స్ వంటి పుకార్లు రాలేదు. ఈ హోమ్లీ హీరోయిన్ కి క్లీన్ హిస్టరీ ఉంది.

మరి ఇంత వరకు కీర్తి సురేష్ ఎవరి ప్రేమలో పడలేదా అంటే… ఆమె ఓ ఆసక్తికర సంగతి బయటపెట్టారు. గతంలో ఓ నగల దుకాణం ఓపెనింగ్ కి కీర్తి సురేష్ వెళ్లారట. అక్కడ ఆమెను చూడడానికి వచ్చిన వేలకొలది ఫ్యాన్స్ లో ఒకరు కీర్తి సురేష్ కి ఓ గిఫ్ట్ ఇచ్చాడట. ఇంటికి వచ్చాక ఆ గిఫ్ట్ బాక్స్ తెరిచి చూస్తే అందులో తన అరుదైన ఫొటోలతో కూడిన ఆల్బమ్ ఉందట. దానితో పాటు కీర్తి సురేష్ పై ప్రేమ వ్యక్త పరుస్తూ ఆ అభిమాని రాసిన ప్రేమ లేఖ కూడా ఉందట.

ఆ ప్రేమ లేఖలో కీర్తిని అతడు పెళ్లి చేసుకుంటాను అని రాశారట. కాలేజీ డేస్ నుండి తనకు ఎవరూ ప్రపోజ్ చేయడం కానీ, ఓ ప్రేమ లేఖ రాయడం కానీ చేయలేదట. అలాంటిది ఓ అభిమాని ఆమెకు ప్రేమ లేఖ రాయడం సర్ప్రైజ్ కి గురిచేసిందట. ఇప్పటికి కూడా ఆ ప్రేమ లేఖను కీర్తి సురేష్ దాచుకున్నారట. మరి ఆ అభిమానికి కీర్తి బదులు చెప్పారా లేదా అనేది మాత్రం ఆమె చెప్పలేదు.

Most Recommended Video

40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?