Allu Arjun: బన్నీ గొప్ప నటుడు అంటున్న కేజీఎఫ్ యాక్టర్.. ఏం జరిగిందంటే?

 ఐకాన్ స్టార్ అల్లు అర్జున్ (Allu Arjun) ప్రస్తుతం పుష్ప ది రూల్ (Pushpa 2) సినిమాలో నటిస్తున్న సంగతి తెలిసిందే. ఈ సినిమా నుంచి తాజాగా అదిరిపోయే అప్ డేట్ వచ్చింది. ఈ సినిమా నుంచి ఫస్ట్ సింగిల్ లిరికల్ ప్రోమో ఈ నెల 24వ తేదీన సాయంత్రం 4.05 గంటలకు రిలీజ్ చేయనున్నట్టు మేకర్స్ ప్రకటించారు. సుకుమార్ డైరెక్షన్ లో తెరకెక్కుతున్న సినిమా కావడం, పుష్ప ది రైజ్ (Pushpa) సినిమాకు సీక్వెల్ కావడంతో ఈ సినిమాపై అంచనాలు పెరిగాయి.

బన్నీ యాక్టింగ్ స్కిల్స్ కు ఎంతోమంది ఫ్యాన్స్ ఉన్నారనే సంగతి తెలిసిందే. కేజీఎఫ్ (KGF) నటుడు తారక్ పొన్నప్ప (Tarak Ponnappa) పుష్ప2 సినిమాలో కీలక పాత్రలో నటిస్తున్నారు. తారక్ పొన్నప్ప ఒక ఇంటర్వ్యూలో మాట్లాడుతూ బన్నీ యాక్టింగ్ స్కిల్స్ గురించి ఆసక్తికర విషయాలను వెల్లడించారు. కేజీఎఫ్ సినిమాలో దయ క్యారెక్టర్ లో నటించిన తారక్ పొన్నప్ప పుష్ప2 సినిమాలో బన్నీతో నాకు పవర్ ఫుల్ యాక్షన్ సీక్వెన్స్ లు ఉన్నాయని వెల్లడించారు.

గతంలో నాకు యాక్షన్ సన్నివేశాల్లో నటించిన అనుభవం లేదని ఆయన తెలిపారు. నేను ఫైట్ సీన్స్ చేసే సమయంలో స్క్రీన్ పై ఏ విధంగా కనిపించాలో బన్నీ చెప్పారని తారక్ పొన్నప్ప అన్నారు. బాడీ పొజిషన్స్ ఏ విధంగా ఉండాలో అల్లు అర్జున్ సలహా ఇచ్చారని ఆయన కామెంట్లు చేశారు. అల్లు అర్జున్ అద్బుతమైన పరిజ్ఞానం చూసి నాకు ఆశ్చర్యం వేసిందని ఆయన చెప్పుకొచ్చారు.

బన్నీ గొప్ప నటుడు అంటూ తారక్ పొన్నప్ప ప్రశంసల వర్షం కురిపించడం గమనార్హం. అల్లు అర్జున్ తన నటనా నైపుణ్యంతో ఇతర భాషల ప్రముఖుల నుంచి సైతం ప్రశంసలు పొందుతూ వార్తల్లో నిలుస్తున్నారు. అల్లు అర్జున్ రేంజ్ అంతకంతకూ పెరగాలని ఫ్యాన్స్ కోరుకుంటున్నారు. బన్నీ పుష్ప2 సినిమా తర్వాత త్రివిక్రమ్ (Trivikram) , అట్లీ (Atlee) డైరెక్షన్ లో నటించనున్నారు. ఈ సినిమాలపై అంచనాలు అంతకంతకూ పెరుగుతున్నాయి.