Pawan Kalyan: పవన్ కళ్యాణ్ అభిమానులకు ఇది గుడ్ న్యూసే..!

‘కె.జి.ఎఫ్’ నిర్మాణ సంస్థ అయిన ‘హోంబెల్ ఫిల్మ్స్’ వారు దూకుడు పెంచినట్టు స్పష్టమవుతుంది.ఈ సంస్థ దేశవ్యాప్తంగా పాపులర్ అయ్యింది. ఈ బ్యానర్ నుండీ పెద్ద పెద్ద సినిమాలకు రూపొందుతాయి అనే నమ్మకం ప్రేక్షకుల్లో ఏర్పడింది. ‘కెజిఎఫ్’ ఇచ్చిన ఉత్సాహంతో వీళ్ళు అన్ని భాషల్లోనూ పెద్ద పెద్ద సినిమాలను నిర్మించడానికి రెడీ అవుతున్నారు. ప్రస్తుతం ‘కెజిఎఫ్ 2’ ని నిర్మిస్తున్న హోంబెల్ వారు అటు తర్వాత ప్రభాస్- ప్రశాంత్ నీల్ కాంబినేషన్లో ‘సలార్’ అనే పాన్ ఇండియా మూవీని కూడా నిర్మిస్తున్నారు.

ఇది 200 కోట్ల భారీ బడ్జెట్ తో ఈ చిత్రాన్ని నిర్మిస్తున్నారు. శృతీ హాసన్ హీరోయిన్ గా నటిస్తుండగా ‘కె.జి.ఎఫ్’ కి పనిచేసిన టీం.. ఈ చిత్రానికి కూడా పని చేస్తున్న సంగతి తెలిసిందే. ‘సలార్’ చిత్రీకరణ దశలో ఉండగానే ఇప్పుడు మరో భారీ చిత్రాన్ని నిర్మించేందుకు హోంబెల్ వారు రెడీ అవుతున్నట్టు తెలుస్తుంది. అందుతున్న సమాచారం ప్రకారం.. పవర్ స్టార్ పవన్ కళ్యాణ్ తో ఓ చిత్రాన్ని చేసేందుకు ఈ కన్నడ నిర్మాతలు సన్నాహాలు చేస్తున్నారట. దీన్ని కూడా పాన్ ఇండియా లెవెల్లో రూపొందించాలని ప్లాన్ చేస్తున్నట్టు సమాచారం.

ప్రస్తుతం ‘హరి హర వీర మల్లు’ అనే పాన్ ఇండియా మూవీలో నటిస్తున్నాడు పవన్ కళ్యాణ్. ఈ మూవీ రిజల్ట్ ను బట్టి పవన్.. పాన్ ఇండియా మార్కెట్ ఎలా ఉంది అనే విషయాన్ని అంచనా వేయొచ్చు. అయితే ‘కె.జి.ఎఫ్’ నిర్మాతలు మాత్రం ముందుగానే పవన్ కళ్యాణ్ తో పాన్ ఇండియా సినిమా ప్లాన్ చేసేస్తున్నారు. చూస్తుంటే వాళ్ళ కాన్సెన్ట్రేషన్ మొత్తం.. టాలీవుడ్ మార్కెట్ పైనే ఎక్కువ పెట్టినట్టు స్పష్టమవుతుంది.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!