కన్నడ స్టార్‌ హీరో నటిస్తున్న’కెజిఎఫ్‌2′ కోసం అన్ని భాషల ప్రేక్షకులతో పాటు తెలుగు ప్రేక్షకులు కూడా ఎంతో ఆసక్తిగా ఎదురుచూస్తున్నారు. ఏప్రిల్ 14న ఈ చిత్రం ప్రేక్షకుల ముందుకు రానుంది. చిత్ర బృందం ఆల్రెడీ ప్రమోషన్లను మొదలుపెట్టింది. ఆల్రెడీ ఈ చిత్రానికి సంబంధించి మొదటి పాటగా విడుదలైన ‘తుఫాన్ తుఫాన్’ కు మంచి రెస్పాన్స్ లభించింది. అటు తర్వాత రిలీజ్ అయిన ట్రైలర్ కు కూడా మంచి రెస్పాన్స్ లభిస్తుంది.
తాజాగా ఈ ట్రైలర్ అసాధారమైన ఓ రికార్డుని కొట్టిందట. వివరాల్లోకి వెళ్తే.. ఇండియన్ మూవీస్ లో విడుదలైన 24 గంటల్లో అత్యధిక వ్యూస్ పొందిన ట్రైలర్‌గా రికార్డు కొట్టిందట ‘కె.జి.ఎఫ్ చాప్టర్ 2’. ట్రైలర్ రిలీజ్ అయిన 24గంటల్లోనే అన్ని భాషల్లోనూ కలుపుకుని 109 మిలియన్ వ్యూస్‌ను కొల్లగొట్టిందట కె.జి.ఎఫ్2. కన్నడ ట్రైలర్ 18మిలియన్ వ్యూస్, తెలుగు ట్రైలర్ 20 మిలియన్ వ్యూస్,హిందీ ట్రైలర్ 51 మిలియన్ వ్యూస్, తమిళ ట్రైలర్ 12 మిలియన్ వ్యూస్, మలయాళం ట్రైలర్ 8 మిలియన్ వ్యూస్ ను నమోదు చేసాయి.
దీనికి ముందు 24గంటల్లో ‘ఆర్ఆర్ఆర్’ ట్రైలర్కు కు 51.12 మిలియన్ వ్యూస్,ఇక ‘రాధే శ్యామ్‌’ ట్రైలర్ కు 57.5 మిలియన్ వ్యూస్ నమోదయ్యాయి. ఇప్పుడు ఆ రికార్డులను కె.జిఎఫ్‌2 ట్రైలర్ బ్రేక్ చేసిందని తెలుస్తుంది. ‘ఆర్.ఆర్.ఆర్’ తర్వాత మోస్ట్ క్రేజీయెస్ట్ మూవీగా ‘కె.జి.ఎఫ్ చాప్టర్2’ నిలిచింది. ప్రీ రిలీజ్ బిజినెస్ విషయంలో కూడా ‘కె.జి.ఎఫ్ చాప్టర్ 2’ రికార్డులు కొల్లగొడుతుంది.
ఒక్క నైజాం, ఉత్తరాంధ్ర, ఈస్ట్ వంటి ఏరియాల్లో ‘కె.జి.ఎఫ్2’ కి భారీ స్థాయిలో బిజినెస్ జరుగుతుంది. నాన్ థియేట్రికల్ రైట్స్ రూపంలో కూడా రికార్డులు సృష్టిస్తోంది ఈ మూవీ.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
