Khaidi 2: ఖైదీ 2 కోసం లోకేష్ జెట్ స్పీడ్ టార్గెట్

January 31, 2025 / 03:20 PM ISTByFilmy Focus Desk

Join Us

లోకేష్ కనగరాజ్ (Lokesh Kanagaraj) దర్శకత్వంలో కార్తీ (Karthi) నటించిన ఖైదీ (Kaithi) భారీ విజయాన్ని సాధించి, తమిళ్‌తో పాటు ఇతర భాషల ప్రేక్షకులను కూడా ఆకట్టుకున్న సంగతి తెలిసిందే. ఆ సినిమా తర్వాత లోకేష్‌ కెరీర్‌ పూర్తిగా మారిపోయింది. విక్రమ్ (Vikram), ‘లియో’(LEO) చిత్రాలతో మరింత పాన్ ఇండియా స్థాయిలో పేరు తెచ్చుకున్న ఆయన, ఇప్పటికే ఖైదీ 2ని అనౌన్స్ చేశారు. అయితే లియో తర్వాత కూలీ సినిమాతో బిజీగా ఉండటంతో, ఖైదీ 2 ఎప్పుడు మొదలవుతుందనేది అనుమానంగా మారింది.

Khaidi 2

Khaidi 2 Lokesh Kanagaraj’s High Speed Plan Unveiled

తాజా సమాచారం ప్రకారం, లోకేష్ కనగరాజ్ ఖైదీ 2 (Khaidi 2) సినిమాను 2025 జులై లేదా ఆగస్టులో సెట్స్ పైకి తీసుకెళ్లాలని ప్లాన్ చేస్తున్నట్లు తెలుస్తోంది. స్క్రిప్ట్ పూర్తయిపోయిందని, షూటింగ్ ఆలస్యం కాకుండా వీలైనంత త్వరగా ప్రారంభించాలనే ఉద్దేశంతో లోకేష్ పనిచేస్తున్నారని కోలీవుడ్ వర్గాలు చెబుతున్నాయి. ఇక కార్తీ కూడా ఆగస్టు నుంచి ఈ ప్రాజెక్ట్‌ కోసం తన డేట్స్‌ కేటాయించినట్లు సమాచారం. ప్రస్తుతం లోకేష్ చేతిలో ఉన్న ప్రాజెక్టులను కంప్లీట్ చేసుకునే పనిలో ఉన్నాడు.

మరిన్ని సినిమా వార్తలు.

ఈ సీక్వెల్‌ను కూడా భారీ స్థాయిలో రూపొందించడానికి మేకర్స్ రెడీ అవుతున్నారు. ఖైదీ స్టైల్‌లోనే ఈ సినిమా ఊర మాస్ యాక్షన్‌తో నడవబోతుందని సమాచారం. ముఖ్యంగా పాత క్యారెక్టర్లతో పాటు, కొత్త పాత్రలను కూడా సినిమాలో యాడ్ చేయనున్నట్లు టాక్. ఇది ఖైదీకి నిజమైన కొనసాగింపుగా ఉంటుందని, మరింత పవర్‌ఫుల్ సన్నివేశాలతో సీక్వెల్‌ను ప్లాన్ చేస్తున్నట్లు తెలుస్తోంది.

మరొక ఆసక్తికరమైన విషయం ఏమిటంటే, లోకేష్ కనగరాజ్ ఈ సినిమాను కేవలం 75 రోజుల్లోనే పూర్తి చేయాలని అనుకుంటున్నట్లు కోలీవుడ్ టాక్. ప్రస్తుతం ఆయన రూపొందిస్తున్న కూలీ సినిమా మే 1న థియేటర్లలో విడుదల కానుంది. ఆ సినిమా పూర్తయిన వెంటనే ఖైదీ 2 పనుల్లోకి పూర్తిగా జంప్ అవ్వాలని లోకేష్ ఫిక్స్ అయ్యాడట. ఈ ప్రాజెక్ట్‌పై ఇప్పటికే భారీ అంచనాలు నెలకొన్నాయి. లోకేష్ కనగరాజ్ గతంలో చెప్పినట్టుగానే, ఈ సినిమా పాన్ ఇండియా రేంజ్‌లో రూపొందనుంది.