అక్టోబర్ 25 న రెండు తమిళ సినిమాలు ఒకే రోజు విడుదలయ్యాయి. తెలుగు రాష్ట్రాల్లో కూడా ఒకే రోజు విడుదల చేశారు. అవే విజయ్ హీరోగా నటించిన ‘విజిల్’.. అలాగే కార్తీ హీరోగా నటించిన ‘ఖైదీ’..! ఈ రెండు చిత్రాలు కొన్న తెలుగు డిస్ట్రిబ్యూటర్లు సేఫ్ అయిపోయారు. విజయ్ ‘విజిల్’ చిత్రాన్ని 10 కోట్లకు కొనుగోలు చేయగా .. 10 రోజులకే బ్రేక్ ఈవెన్ సాధించింది. ఇక కార్తీ ‘ఖైదీ’ చిత్రాన్ని 4 కోట్లకు కొనుగోలు చేశారు. ఈ మధ్యన కార్తీ సినిమాలు పెద్దగా ఆడటం లేదు కాబట్టి,, ఈ సినిమాని పెద్దగా ఎవ్వరూ పట్టించుకోలేదు.
దీంతో మొదటి ఈ చిత్రానికి ఓపెనింగ్స్ పెద్దగా రాలేదు. కానీ ఇప్పటికీ కలెక్షన్లు మాత్రం ఆగలేదు. ఈ చిత్రం ఇప్పటికే 5.5 కోట్ల షేర్ ను వసూల్ చేసింది. రెండో సోమవారం కూడా ఈ చిత్రం 40 లక్షల షేర్ ను రాబట్టి ట్రేడ్ కు సైతం షాకిచ్చింది. ఇప్పటికే ఈ చిత్రం కొన్న డిస్ట్రిబ్యూటర్లంతా లాభాల బాట పట్టారు. ఫుల్ రన్ లో ఈ చిత్రం 5 కోట్ల షేర్ దాటుతుంది అని అనుకుంటే ఏకంగా 6 కోట్ల షేర్ ను వసూల్ చేసే అవకాశాలు ఉన్నాయని ట్రేడ్ పండితులు చెబుతున్నారు. ఏమైనా చాన్నాళ్ళ నుండీ మంచి హిట్ కోసం ఎదురు చూస్తున్న కార్తీకి ‘ఖైదీ’ రూపంలో బ్లాక్ బస్టర్ దక్కిందనే చెప్పాలి.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
