విభిన్నమైన కథలతో వరుసగా విజయాలను అందుకుంటున్న హీరో నిఖిల్. అతను తాజాగా చేసిన సినిమా కిరాక్ పార్టీ. ఏకే ఎంటర్‌టైన్మెంట్స్ సంస్థపై సుంకర రామబ్రహ్మం ఈ మూవీని నిర్మించారు.శరణ్ కొప్పిశెట్టి దర్శకత్వంలో తెరకెక్కిన ఇందులో నిఖిల్ సరసన హీరోయిన్స్ గా సంయుక్తా హెగ్డే, సిమ్రాన్ పరీన్జాలు నటించారు. చందూ మొండేటి డైలాగ్స్, సుధీర్ వ‌ర్మ స్క్రీన్ ప్లే అందించిన ఈ మూవీ ఈ నెల 16న ప్రేక్ష‌కుల ముందుకురానుంది. సినిమా రిలీజ్ కాకముందే ఇందులో హీరోయిన్ గా నటించిన సిమ్రాన్ పరీన్జా మరో ఛాన్స్ అందుకుంది.
నూత‌న ద‌ర్శ‌కుడు శ్రీనివాస్ చక్రవర్తి దర్శకత్వంలో రూపుదిద్దుకోనున్న “నర్తనశాల” అనే సినిమాలో హీరోయిన్ గా సెలక్ట్ అయింది. రీసెంట్ గా సిమ్రాన్ పరీన్జా డైరక్టర్ నిర్వహించిన ఫోటోషూట్ కి హాజరైంది. తన పాత్రకి సరిగ్గా సూటవుతందని శ్రీనివాస్ చక్రవర్తి భావించడంతో ఒకే చెప్పారు. ఈ విషయం త్వరలో అధికారికంగా ప్రకటించనున్నారు. నాగశౌర్య (Naga Shaurya) హీరోగా నటిస్తూ. నిర్మిస్తున్న ఈ మూవీ మార్చి నుంచి చిత్రీకరణ జరుపుకోనుంది. దసరా సందర్భంగా ఈ చిత్రాన్ని విడుదల చేయనున్నారు.
