Ram Charan : చరణ్ ఉపాసన చాలా మంచి పేరెంట్స్.. క్లీంకార కేర్ టేకర్ చెప్పిన విషయాలివే!

చరణ్ (Ram Charan) ఉపాసన జోడీకి ఎంతోమంది అభిమానులు ఉన్నారు. క్లీంకార పుట్టిన తర్వాత ఈ జోడీని అభిమానించే ఫ్యాన్స్ సంఖ్య అంతకంతకూ పెరుగుతోంది. క్లీంకార విషయంలో చరణ్ ఉపాసన ఎన్నో జాగ్రత్తలు తీసుకుంటున్నారు. క్లీంకార కేర్ టేకర్ తాజాగా చరణ్ ఉపాసన గురించి చెప్పిన విషయాలు నెట్టింట వైరల్ అవుతున్నాయి. చరణ్ ఉపాసన చాలా మంచి పేరెంట్స్ అని క్లీంకార కేర్ టేకర్ లలిత తెలిపారు. అంబానీ ఫ్యామిలీ మొదలుకొని ఇప్పటివరకు ఎంతోమంది స్టార్ కిడ్స్ కు నేను నానీగా(ఆయాగా) పని చేశానని ఆమె వెల్లడించారు.

అందరూ నన్ను బాగా చూసుకున్నారని లలిత పేర్కొన్నారు. తమ కుటుంబాలలోకి గొప్ప మనస్సుతో స్వాగతించారని ఆమె వెల్లడించారు. ప్రస్తుతం చరణ్ ఉపాసన దంపతుల కూతురు క్లీంకారకు నానీగా వర్క్ చేస్తున్నానని లలిత వెల్లడించారు. అక్కడికి ఇక్కడికి ఉన్న ఒకే ఒక్క తేడా ఏంటంటే ఆహార పద్దతులు అని ఆమె చెప్పుకొచ్చారు. కొణిదెల కుటుంబం చాలా మంచి ఫ్యామిలీ అని లలిత పేర్కొన్నారు.

నేను రెస్ట్ తీసుకునే సమయంలో ఉపాసన పాపను చూసుకుంటారని ఆమె చెప్పుకొచ్చారు. ఉపాసన అపోలో ఫౌండేషన్ వైస్ ఛైర్ పర్సన్ అయినప్పటికీ ఆమె సింపుల్ గా ఉంటారని లలిత పేర్కొన్నారు. ఉపాసనది ఎంత ఎదిగినా ఒదిగి ఉండే మనస్తత్వం అని బేబీని ఎత్తుకో జాగ్రత్తగా చూసుకో అంటూ ఫోర్స్ చేయరని ఆమె చెప్పుకొచ్చారు. చరణ్ ఉపాసన నన్ను తమ ఫ్యామిలీ మెంబర్ లా చూసుకుంటారని లలిత పేర్కొన్నారు.

చరణ్ ఉపాసన గురించి లలిత చెప్పిన విషయాలు విని నెటిజన్లు సైతం ఈ దంపతులను ఎంతో ప్రశంసిస్తున్నారు. చరణ్ ప్రస్తుతం గేమ్ ఛేంజర్ సినిమాతో బిజీగా ఉండగా ఈ ఏడాది చివర్లో ఈ సినిమా విడుదల కానుంది. గేమ్ ఛేంజర్ సినిమాలో ఫ్యాన్స్ కోరుకునే అన్ని కమర్షియల్ అంశాలు ఉంటాయని భోగట్టా.