జై లవకుశ విజయం పై కోన వెంకట్!

బాబీ దర్శకత్వంలో యంగ్ టైగర్ ఎన్టీఆర్ నటించిన జై లవకుశ  సెప్టెంబర్‌ 21న విడుదలై సూపర్ హిట్ అయింది.  జై, లవ, కుశ పాత్రల్లో తారక్ అద్భుతంగా నటించి ఆశ్చర్యపరిచారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మించిన ఈ సినిమా మూడు రోజుల్లోనే 100 కోట్లు రాబట్టి ఔరా అనిపించింది. నేటితో ఈ చిత్రం 50  రోజులు పూర్తిచేసుకుంది. ఈ సందర్భంగా చిత్ర యూనిట్ ఆనందంలో ఉంది. ముఖ్యంగా ఈ సినిమాకి రచయితగా చేసిన కోన వెంకట్‌  సోషల్‌మీడియా వేదికగా సంతోషాన్ని వ్యక్తం చేశారు. “మా ప్రతిభను గుర్తించి తారక్‌ ప్రదర్శనను ప్రశంసించినందుకు అందరికీ కృతజ్ఞతలు. ప్రత్యేకించి తారక్‌, దర్శకుడు బాబీ, నిర్మాత కల్యాణ్‌ రామ్‌కు ధన్యవాదాలు.

నిజమైన ప్రతిభకు నిజమైన విజయం ఇది. ఘట్టమేదైనా పాత్ర ఏదైనా తను (ఎన్టీఆర్) రెడీ” అని కోన వెంకట్‌ ట్వీట్‌ చేశారు. ఎన్టీఆర్ కెరీర్ లో అత్యధిక కలక్షన్స్ రాబట్టిన చిత్రంగా జై లవకుశ నిలిచింది. దీని తర్వాత తారక్ త్రివిక్రమ్ దర్శకత్వంలో సినిమా చేస్తున్నారు. పూజా కార్యక్రమాలు పూర్తి చేసుకున్న ఈ మూవీ మార్చిలో రెగ్యులర్ షూటింగ్ కి వెళ్లనుంది.