టాలీవుడ్ లో రచయితగా, నిర్మాతగా గుర్తింపు తెచ్చుకున్న కోన వెంకట్ తాజాగా కొన్ని ఆసక్తికర వ్యాఖ్యలు చేశారు. సినిమా ఇండస్ట్రీలో తనకున్న పరిచయాలను సినిమా ఛాన్స్ ల కోసం వాడుకోవడం అసలు నచ్చదని అంటున్నారు కోన. ఒక మెసేజ్ పెడితే రామ్ చరణ్, ఎన్టీఆర్ లాంటి స్టార్ హీరోలు తనతో సినిమా చేయడానికి రెడీ అంటారని.. కానీ ఆ పరిచయాన్ని తన సినిమా కోసం వాడుకోవడం ఏమాత్రం ఇష్టం లేదని చెప్పుకొచ్చారు. పవన్ కళ్యాణ్ తో కూడా తను ఎప్పుడు కావాలంటే అప్పుడు సినిమా తీయగలనని అంటున్నారు కోన.
పవన్ నుండి తనకు ఓపెన్ ఆఫర్ ఎప్పుడూ ఉంటుందని.. నచ్చిన కథ, దర్శకుడితో సినిమా చేసుకోమని పవన్ తనకు ఆఫర్ ఇస్తుంటారని చెప్పుకొచ్చారు. కానీ పవన్ తో సినిమా అంటే మంచి కథ కావాలని, ఎవరూ తీయని, చూడని సినిమా చేయాలనేది తన కోరిక అని చెప్పారు. ఎక్కువ ప్రెషర్ తీసుకొని పవన్ కోసం కథలు రాసిన విషయాన్ని చెప్పారు. కానీ తనకే సంతృప్తిగా అనిపించకపోవడంతో ఆ కథలన్నీ పక్కన పెట్టేసినట్లు చెప్పారు.
పవన్ మాత్రం ప్రతీసారి కథ అయిందా.. అని వెంటపడేవాడని అన్నారు. ఓపెన్ ఆఫర్ ఉన్నప్పటికీ పవన్ తో సినిమా చేయలేకపోతున్నానని బాధ పడ్డారు కోన వెంకట్. 2020లో ఆయన నిర్మించిన ‘నిశ్శబ్దం’ సినిమా డిజాస్టర్ టాక్ తెచ్చుకుంది. కొత్త ఏడాదిలో పాన్ ఇండియా సినిమా చేయబోతున్నట్లు కోన చెప్పారు. పెద్ద స్టార్ హీరో అందులో నటిస్తాడని.. త్వరలోనే ఆ వివరాలు వెల్లడిస్తానని చెప్పుకొచ్చారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
