రెండు వరుస బ్లాక్ బస్టర్ హిట్లతో స్టార్ డైరెక్టర్ గా ఎదిగిపోయిన కొరటాల శివ తన మూడో చిత్రంగా “జనతా గ్యారేజ్”ను తెరకెక్కిస్తున్న విషయం తెలిసిందే. నిన్న ఆయన పుట్టినరోజు సందర్భంగా.. ఆయన దర్శకత్వంలో అయిదో సినిమా కూడా ఎనౌన్స్ అయ్యింది.
సీనియర్ డిస్ట్రిబ్యూటర్ మిక్కిలినేని సుధాకర్ నిర్మాతగా మారుతూ రూపొందించనున్న ఈ చిత్రంలో హీరో ఎవరనేది ఇంకా చెప్పకపోయినప్పటికీ.. ఎన్టీయారే కన్ఫర్మ్ అని తెలుస్తోంది. “జనతా గ్యారేజ్” షూటింగ్ టైమ్ లో కొరటాల టాలెంట్ చూసి స్టన్ అయిపోయిన ఎన్టీయార్ వెంటనే ఆయన దర్శకత్వంలో మరో సినిమా చేసేందుకు రెడీ అయిపోయాడట. అందుకే కొరటాల నాలుగో సినిమా ఇంకా సెట్స్ కు కూడా వేళ్ళకుండానే మిక్కిలేని అయిదో సినిమాను ప్రకటించారని వినికిడి.
“టెంపర్, నాన్నకు ప్రేమతో” లాంటి వరుస విజయాలతో దూసుకుపోతున్న ఎన్టీయార్ ఇలా స్టార్ డైరెక్టర్ లో వెంటవెంటనే సినిమాలు చేయడం అతని స్టార్ డమ్ ను ద్విగుణీకృతం చేస్తుందని ప్రత్యేకంగా చెప్పాల్సిన అవసరం ఏముంది!
