ఎన్టీఆర్ కృష్ణవంశీ కాంబినేషన్ లో తెరకెక్కిన రాఖీ సినిమా అప్పట్లో బాక్సాఫీస్ వద్ద అబవ్ యావరేజ్ రిజల్ట్ ను సొంతం చేసుకున్న సంగతి తెలిసిందే. ఈ సినిమా చిన్నపిల్లల నుంచి పెద్దవాళ్ల వరకు అందరినీ ఎంతగానో ఆకట్టుకుంది. కేఎల్ నారాయణ ఈ సినిమాకు నిర్మాతగా వ్యవహరించారు. ఈ సినిమాలో జూనియర్ ఎన్టీఆర్ యాక్టింగ్ వేరే లెవెల్ లో ఉంటుంది. జూనియర్ ఎన్టీఆర్ ఫ్లాపులకు బ్రేక్ వేసిన ఈ సినిమా ఫ్యాన్స్ ను అంచనాలను మించి మెప్పించింది.
ప్రస్తుతం టాలీవుడ్ ఇండస్ట్రీలో సీక్వెల్స్ కు ప్రాధాన్యత అంతకంతకూ పెరుగుతుండగా రాఖీ సినిమాకు సీక్వెల్ కావాలని కొంతమంది ఫ్యాన్స్ సోషల్ మీడియాలో కృష్ణవంశీని రిక్వెస్ట్ చేశారు. ఈ మధ్య కాలంలో సరైన సక్సెస్ లేని కృష్ణవంశీ రంగమార్తాండ సినిమాతో ప్రశంసలు అందుకున్నా కమర్షియల్ గా భారీ బ్లాక్ బస్టర్ హిట్ ను సొంతం చేసుకునే విషయంలో ఫెయిలయ్యారు. అయితే సరైన కథతో కృష్ణవంశీ సినిమా తీస్తే మాత్రం ఆయనకు పూర్వ వైభవం రావడం ఖాయమని చెప్పవచ్చు.
రాఖీ సీక్వెల్ గురించి కృష్ణవంశీ స్పందిస్తూ రాఖీ సినిమాకు సీక్వెల్ తీయడం చాలా కష్టమని ఆ సినిమా ఒక అద్భుతం అదృష్టం అని కామెంట్లు చేశారు. తనకు సీక్వెల్స్ తీయడం రాదని సీక్వెల్స్ అంటే ఇష్టం ఉండదని కృష్ణవంశీ పేర్కొన్నారు. నిన్నే పెళ్లాడతా లాంటి సినిమా తీయాలని ఒక నెటిజన్ అడగగా అలాంటి సినిమాలు ఇంకా చూస్తున్నారా అని ఆయన కామెంట్లు చేయడం గమనార్హం.
జూనియర్ ఎన్టీఆర్ అభిమానించే దర్శకులలో కృష్ణవంశీ ఒకరు కాగా ఎన్టీఆర్ (Krishna Vamsi) కృష్ణవంశీ కాంబినేషన్ లో మరో సినిమా వస్తుందేమో చూడాల్సి ఉంది. కృష్ణవంశీ త్వరలో కొత్త ప్రాజెక్ట్ లను ప్రకటించనున్నారని సమాచారం అందుతోంది. ఎన్టీఆర్ ప్రస్తుతం దేవర సినిమాతో బిజీగా ఉండగా ఈ సినిమా నుంచి ఈ నెల 8వ తేదీన గ్లింప్స్ విడుదల కానుంది. దేవర సినిమా ఎన్టీఆర్ కెరీర్ లో బిగ్గెస్ట్ హిట్ గా నిలుస్తుందని ఫ్యాన్స్ భావిస్తున్నారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home