Krithi Shetty: ది వారియర్ కథ వినగానే ఆ జ్ఞాపకాలన్ని గుర్తుకు వచ్చాయి!

July 6, 2022 / 01:15 PM ISTByFilmy Focus

Join Us

Krithi Shetty: ది వారియర్ కథ వినగానే ఆ జ్ఞాపకాలన్ని గుర్తుకు వచ్చాయి!

ఉప్పెన ఫేమ్ కృతి శెట్టి వరుస బ్యాక్ టు బ్యాక్ సినిమాలలో నటిస్తూ బాక్సాఫీస్ వద్ద పెద్ద ఎత్తున ప్రేక్షకులను సందడి చేస్తోంది. ఈ విధంగా ఇప్పటికే నాని శ్యామ్ సింగరాయ్.. బంగార్రాజు వంటి సినిమాలతో మంచి విజయాలను సొంతం చేసుకున్నారు.ఇక ప్రస్తుతం ఈమె లింగు స్వామి దర్శకత్వంలో నటించిన దివారియర్ సినిమా ఈనెల 14వ తేదీ విడుదలకు సిద్ధమైంది. ఇక ఈ సినిమా విడుదలవుతున్న నేపథ్యంలో చిత్ర బృందం పెద్ద ఎత్తున ప్రమోషన్ కార్యక్రమాలను నిర్వహించారు.

ఈ ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్నారు. ఈ ఇంటర్వ్యూలో పాల్గొన్న కృతి శెట్టి ఈ సినిమా గురించి అలాగే తన కెరీర్ గురించి పలు ఆసక్తికరమైన విషయాలను వెల్లడించారు. డైరెక్టర్ లింగు స్వామి దర్శకత్వంలో వచ్చే సినిమాలు చాలా ఎంటర్టైనింగ్ గా ఉంటాయని ఈమె పేర్కొన్నారు.ఆవారా సినిమా అంటే తనకు ఎంతో ఇష్టమని ఈ సినిమాని రోజుకు రెండు మూడు సార్లు చూసే దాన్ని అని ఈమె తెలిపారు.

లింగు స్వామి గారి దగ్గర నుంచి తనకు ఫోన్ వచ్చిందని అమ్మ చెప్పగానే తనకు ఈ జ్ఞాపకాలని గుర్తొచ్చాయని ఈ సందర్భంగా కృతి శెట్టి పేర్కొన్నారు. ఇకపోతే ఫ్యూచర్లో ఎలాంటి సినిమాలలో నటించాలని అనుకుంటున్నారని యాంకర్ ప్రశ్నించగా తనకు యాక్షన్ సినిమాలలో నటించాలని ఉంది అంటూ ఈ సందర్భంగా ఈమె తన మనసులో మాటను బయటపెట్టారు.

ది వారియర్ సినిమాలో తాను మహాలక్ష్మి పాత్రలో కనిపిస్తానని ఈ సినిమాలో తాను ఒక రేడియో జాకీ. ఈ క్యారెక్టర్‌ వింటున్నప్పుడు మంచి ఫీలింగ్‌ కలిగింది. ప్రేక్షకులలో కూడా అదే ఫీలింగ్ కలుగుతుందని సినిమా చూస్తున్నంత సేపు తన పాత్రను ఒక పక్కింటి అమ్మాయిలా ఫీల్ అవుతారని కృతి శెట్టి వెల్లడించారు. ఈ సినిమా ప్రతి ఒక్కరిని ఆకట్టుకుంటుంది అంటూ కృతి శెట్టి దివారియర్ సినిమా గురించి వెల్లడించారు.