Pawan Kalyan, Krithi Shetty: బేబమ్మ జాతకాన్ని పవన్ మారుస్తారా?

July 5, 2021 / 07:28 PM ISTByFilmy Focus

Join Us

Pawan Kalyan, Krithi Shetty: బేబమ్మ జాతకాన్ని పవన్ మారుస్తారా?

స్టార్ హీరో పవన్ కళ్యాణ్ కు ప్రేక్షకుల్లో ఉండే క్రేజ్ అంతా ఇంతా కాదు. పవన్ కళ్యాణ్ సినిమాలో చిన్న పాత్రలో నటించినా ఆ నటీనటుల జాతకాలే మారిపోతాయి. వైష్ణవ్ తేజ్ హీరోగా తెరకెక్కిన ఉప్పెన సినిమాలో నటించి కృతిశెట్టి ఊహించని స్థాయిలో పాపులారిటీని సంపాదించుకున్న సంగతి తెలిసిందే. ఉప్పెన సినిమా బ్లాక్ బస్టర్ హిట్ కావడంతో కృతిశెట్టికి కూడా సినిమా ఆఫర్లు అంతకంతకూ పెరిగాయి. అయితే పవన్ కళ్యాణ్ హరీష్ శంకర్ మూవీలో కీలక పాత్రకు కృతిశెట్టి ఎంపికైనట్లు ఇండస్ట్రీ వర్గాల్లో జోరుగా ప్రచారం జరుగుతుండటం గమనార్హం.

హరీష్ శంకర్ ఇప్పటికే ఈ సినిమా స్కిప్ట్ ను సిద్ధం చేయగా మైత్రీ మూవీ మేకర్స్ బ్యానర్ పై ఈ సినిమా తెరకెక్కుతున్నట్టు తెలుస్తోంది. త్వరలో ఈ సినిమా సెట్స్ పైకి వెళ్లనుండగా కృతిశెట్టి ఈ సినిమాలో నటించనున్నారని జోరుగా వార్తలు వస్తుండటం గమనార్హం. పవన్ కళ్యాణ్ కు అన్నయ్య కూతురు పాత్రలో కృతిశెట్టి నటించనున్నారని వైరల్ అవుతున్న వార్త సారాంశం. మరోవైపు ఈ సినిమాలో నటించే హీరోయిన్ ఎవరనే సంగతి తెలియాల్సి ఉంది.

ఈ సినిమాలో హీరోయిన్ గా సమంత పేరు వినిపించినా అధికారిక ప్రకటన అయితే రాలేదు. పవన్ ఇప్పటికే ఈ సినిమా ఫోటోషూట్ లో పాల్గొన్నారని వచ్చే నెల నుంచి ఈ సినిమా షూటింగ్ మొదలయ్యే అవకాశాలు ఉన్నాయని సమాచారం. కొన్నేళ్ల క్రితం పవన్ హరీష్ శంకర్ కాంబినేషన్ లో తెరకెక్కిన గబ్బర్ సింగ్ బ్లాక్ బస్టర్ హిట్ కాగా హరీష్ శంకర్ పవన్ తో గబ్బర్ సింగ్ ను మించిన హిట్ సినిమా తీస్తారని పవన్ ఫ్యాన్స్ అభిప్రాయపడుతున్నారు. పవన్ సినిమాలో నటిస్తే మాత్రం బేబమ్మ జాతకం మారినట్లేనని చెప్పాలి.