‘గుంటూరు కారం’ నుండి 3వ లిరికల్ సాంగ్ గా ‘కుర్చీ మడతపెట్టి’ అనే మాస్ పాట రానుంది. తాజాగా దానికి సంబంధించిన వీడియో ప్రోమోని విడుదల చేశారు. ఇందులో హీరో మహేష్ బాబు,హీరోయిన్ శ్రీలీల వేసిన స్టెప్పులు హైలెట్ అయ్యాయి. శ్రీలీల ఎంత మంచి డాన్సరో అందరికీ తెలుసు. మహేష్ బాబు ఆమెతో పోటీపడి మరీ డాన్స్ చేసినట్టు ఈ సాంగ్ ప్రోమో చెప్పకనే చెప్పింది. 26 సెకన్ల నిడివి కలిగిన ఈ మాస్ సాంగ్ ప్రోమోకి సంగీత దర్శకుడు తమన్ అందించిన బీట్ బాగానే ఉంది.
రామజోగయ్య శాస్త్రి ఈ పాటకి సాహిత్యం అందిస్తున్నారు. రేపు అనగా డిసెంబర్ 29న ఫుల్ సాంగ్(లిరికల్ సాంగ్) యూట్యూబ్లో విడుదల కానుంది. మరి ఫుల్ సాంగ్ ఎంతవరకు ఆకట్టుకుంటుందో చూడాలి. సంక్రాంతి కానుకగా జనవరి 12న ‘గుంటూరు కారం’ సినిమా విడుదల కానుంది. మహేష్ బాబు – త్రివిక్రమ్ కాంబినేషన్లో రూపొందుతున్న మూడో సినిమా ఇది. గతంలో వీరి కాంబినేషన్లో.. ‘అతడు’ ‘ఖలేజా’ వంటి క్రేజీ సినిమాలు వచ్చాయి.
ఇక ‘గుంటూరు కారం’ లో (Guntur Kaaram) సెకండ్ హీరోయిన్ గా మీనాక్షి చౌదరి కూడా నటిస్తుంది. ప్రకాష్ రాజ్, రమ్య కృష్ణ వంటి వారు కూడా కీలక పాత్రలు పోషిస్తున్నారు. ‘హారిక అండ్ హాసిని క్రియేషన్స్’ బ్యానర్ పై ఎస్.రాధాకృష్ణ(చినబాబు) ఈ చిత్రాన్ని ఎంతో ప్రతిష్టాత్మకంగా నిర్మిస్తున్నారు. ఈ విషయాలు పక్కన పెట్టేసి ‘కుర్చీ మడతపెట్టి’ సాంగ్ ప్రోమోని మీరు కూడా ఓ లుక్కేయండి :
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
