Mahesh Babu: ఆమెకి మహేష్ ఛాన్స్ ఇస్తాడా..?

‘సర్కారు వారి పాట’ సినిమా తరువాత సూపర్ స్టార్ మహేష్ బాబు.. దర్శకుడు రాజమౌళితో సినిమా చేస్తారని కొన్నాళ్లుగా వార్తలు వస్తున్నాయి. కానీ ఇంతలో మరో సినిమా మధ్యలోకి వచ్చింది. రాజమౌళి రూపొందిస్తోన్న ‘ఆర్ఆర్ఆర్’ సినిమా అనుకున్నదానికంటే బాగా ఆలస్యం అవుతుండడంతో మహేష్ బాబు.. ముందుగా త్రివిక్రమ్ సినిమాను పూర్తి చేయాలనుకుంటున్నాడు. అది ఈ ఏడాది సెకండ్ హాఫ్ లో మహేష్-త్రివిక్రమ్ సినిమా మొదలవుతుంది. వచ్చే ఏడాది ఫస్ట్ హాఫ్ లోపు సినిమాను పూర్తి చేయాలని ప్లాన్ చేసుకుంటున్నారు. అయితే కరోనా సెకండ్ వేవ్ కారణంగా ఈ ఏడాదిలో ‘ఆర్ఆర్ఆర్’ వచ్చే అవకాశాలు కనిపించడం లేదు.

వచ్చే ఏడాది వేసవికి ఈ సినిమా వాయిదా పడినా.. ఆశ్చర్యపోనక్కర్లేదు. రాజమౌళి ఎంత కష్టపడినా.. వచ్చే సంక్రాంతిలోపు అయితే ఈ సినిమా వచ్చే ఛాన్స్ లేదని అంటున్నారు. ‘ఆర్ఆర్ఆర్’ సినిమా పూర్తయ్యాక మహేష్ బాబు సినిమాకి స్క్రిప్ట్, ప్రీప్రొడక్షన్ వర్క్ పూర్తి చేయడానికి తనకు ఏడాది సమయం పడుతుందని రాజమౌళి ముందే చెప్పేశారు. ఈ క్రమంలో తనకు మరింత సమయం దొరికే అవకాశం ఉండడంతో మహేష్ బాబు ఇతర దర్శకుల నుండి కూడా కథలు వింటున్నారట. ఆ లిస్ట్ లో మహిళా దర్శకురాలు సుధా కొంగర ఉన్నట్లు సమాచారం.

‘గురు’ సినిమాతో తన టాలెంట్ ను నిరూపించుకున్న ఈమె రీసెంట్ గా సూర్యతో ‘ఆకాశం నీ హద్దురా’ సినిమా తీసి భారీ విజయాన్ని అందుకుంది. ప్రస్తుతం ఈమె అజిత్ లాంటి స్టార్ హీరోని డైరెక్ట్ చేయడానికి రెడీ అవుతోంది. ఈ సినిమా తరువాత మహేష్ బాబుతో సినిమా చేయాలని ఆమె ప్రయత్నిస్తుందట. కొన్ని రోజులుగా ఇద్దరి మధ్య కథా చర్చలు జరుగుతున్నాయని సమాచారం. ప్రస్తుతం హోమ్ ఐసోలేషన్ లో ఉన్న మహేష్ బాబు.. వీడియో కాల్ ద్వారా సుధా కొంగరతో టచ్ లో ఉన్నట్లు టాక్. అన్నీ కుదిరితే వచ్చే ఏడాదిలో వీరి కాంబినేషన్ లో సినిమా వచ్చే ఛాన్స్ ఉంది.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!