పవర్ స్టార్ పవన్ కళ్యాణ్ నటిస్తోన్న లేటెస్ట్ సినిమా ‘ఉస్తాద్ భగత్ సింగ్’. హరీష్ శంకర్ డైరెక్ట్ చేస్తోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. గతంలో వీరిద్దరి కాంబినేషన్ లో వచ్చిన ‘గబ్బర్ సింగ్’ సినిమా సూపర్ హిట్ అయింది. అందుకే ఈ సినిమాపై భారీ అంచనాలు ఉన్నాయి. తాజాగా ఈ సినిమా నుంచి ఓ క్రేజీ అప్డేట్ వచ్చింది. ఓ ఇంటర్వ్యూలో ర్యాపర్ ప్రణవ్ చాగంటి ఈ సినిమాలో టైటిల్ ట్రాక్ రాసుకున్నట్లు చెప్పారు.
పవన్ కళ్యాణ్ కెరీర్ లోనే ఇది బెస్ట్ టైటిల్ ట్రాక్ అవుతుందని చెప్పుకొచ్చారు. ఇంత పెద్ద అవకాశం ఇచ్చిన దర్శకుడు హరీష్ శంకర్ కి థాంక్స్ చెప్పారు. పవన్ సినిమాల్లో టైటిల్ ట్రాక్స్ చాలానే ఉంటాయి. ప్రతి సినిమా టైటిల్ ట్రాక్ ఓ రేంజ్ లో ఉంటుంది. దీంతో ఇప్పుడు ‘ఉస్తాద్ భగత్ సింగ్’ టైటిల్ ట్రాక్ పై ఫ్యాన్స్ భారీ అంచనాలు పెట్టుకున్నారు. తాజాగా ప్రణవ్ టైటిల్ ట్రాక్ గురించి గొప్పగా చెప్పడంతో ఈ అంచనాలు మరింత పెరిగాయి.
ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు జరుగుతున్నాయి. త్వరలోనే ఈ సినిమా షూటింగ్ మొదలుకానుంది. మూత్రి మూవీ మేకర్స్ సంస్థ భారీ బడ్జెట్ తో ఈ సినిమాను తెరకెక్కించనుంది. ఈ సినిమాకి దేవిశ్రీప్రసాద్ సంగీతం అందిస్తున్నారు. త్వరలోనే ఈ ప్రాజెక్ట్ కి సంబంధించిన మరిన్ని అప్డేట్స్ రానున్నాయి. ఇక పవన్ కళ్యాణ్ సినిమాల విషయానికొస్తే.. ప్రస్తుతం ఆయన ‘హరిహర వీరమల్లు’ సినిమాలో నటిస్తున్నారు.
వీలైనంత త్వరగా ఈ సినిమా షూటింగ్ పూర్తి చేయాలని చూస్తున్నారు. ఎందుకంటే దీని తరువాత మరో రెండు సినిమాలు చేయాలి. త్వరలోనే ఈ రెండు సినిమాలను కూడా పవన్ కళ్యాణ్ పట్టాలెక్కించనున్నారు.అలానే 2024 ఎలెక్షన్స్ లో పాల్గోనున్నారు పవన్. అప్పుడు ఇక సినిమా షూటింగ్స్ కి డేట్స్ ఇవ్వడం కష్టమవుతుంది. అందుకే ఎన్నికల్లోపు ఎంత వీలైతే అంతవరకు సినిమా షూటింగ్స్ చేయాలనుకుంటున్నారు.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home