Rajamouli-Mahesh Babu: క్రేజీ కాంబో.. కథ మాత్రం సెట్ కాలేదు!

September 20, 2021 / 05:44 PM ISTByFilmy Focus

Join Us

Rajamouli-Mahesh Babu: క్రేజీ కాంబో.. కథ మాత్రం సెట్ కాలేదు!

సూపర్ స్టార్ మహేష్ బాబు ఫ్యాన్స్ చాలా కాలంగా రాజమౌళి డైరెక్షన్ లో తమ అభిమాన హీరోని చూడాలనుకుంటున్నారు. ఎట్టకేలకు వీరి కాంబినేషన్ సెట్ అయింది. కానీ సెట్స్ పైకి వెళ్లడానికి మాత్రం సమయం పట్టేలానే ఉంది. ప్రస్తుతం ‘ఆర్ఆర్ఆర్’ సినిమా చేస్తోన్న స్రజమౌళి తన తదుపరి చిత్రం మహేష్ బాబుతో చేయాలనుకున్నారు. కానీ ఇప్పుడు బాలీవుడ్ లో ఓ చిన్న సినిమా చేసి ఆ తరువాత మహేష్ తో సినిమా అనుకుంటున్నారు.

మరోపక్క మహేష్ బాబు కూడా ‘సర్కారు వారి పాట’ను పూర్తి చేసి త్రివిక్రమ్ సినిమా మొదలుపెట్టాలి. ఈ ప్రాజెక్ట్ పూర్తి కావడానికి ఎలా లేదన్నా.. ఏడాది సమయం పడుతుంది. అంటే వచ్చే ఏడాది చివరికల్లా రాజమౌళి-మహేష్ సినిమా సెట్స్ పైకి వెళ్లనుంది. అంతా బాగానే ఉంది కానీ.. ఇప్పటివరకు ఈ సినిమాకు కథ ఓకే అవ్వలేదట. ఇప్పటికే మహేష్ బాబు-రాజమౌళిల మధ్య కథకు సంబంధించి చర్చలు జరిగాయి. మహేష్ తో జేమ్స్ బాండ్ టైప్ లో రాజమౌళి సినిమా ప్లాన్ చేస్తున్నారని వార్తలొచ్చాయి.

ఆ విషయం పక్కన పెడితే.. రాజమౌళి.. మహేష్ కి మూడు లైన్లు చెప్పారు. వాటిలో ఏదీ కూడా మహేష్ కి పెద్దగా నచ్చలేదట. దీంతో రాజమౌళి టైమ్ తీసుకొని కథ సిద్ధం చేయమని చెప్పారట. ఆలస్యమైనా పర్లేదని అన్నారట. ప్రస్తుతం విజయేంద్రప్రసాద్ కథను సిద్ధం చేసే పనిలో పడ్డారు.