Raj Tarun Controversy : రాజ్ తరుణ్ డబ్బులు మాకు అక్కర్లేదు.. లావణ్య తండ్రి కామెంట్స్ వైరల్!

రాజ్ తరుణ్ లావణ్య కేసులో ఊహించని ట్విస్టులు చోటు చేసుకుంటున్నాయనే సంగతి తెలిసిందే. లావణ్య ఆత్మహత్యా యత్నం చేయడం సోషల్ మీడియా సంచలనం అయింది. తాజాగా చోటు చేసుకున్న ఘటనతో ఈ కేసు ఊహించని మలుపు తిరిగింది. నా గురించి పూర్తిగా తెలిసిన మనుషులే నన్ను తప్పుబడుతున్నారని ఆమె చెప్పుకొచ్చారు. ఎవరో కూడా తెలియని వ్యక్తులు నాకు సపోర్ట్ చేస్తున్నారని లావణ్య వెల్లడించారు. మరోవైపు లావణ్య తండ్రి మీడియాతో మాట్లాడుతూ చెప్పిన విషయాలు హాట్ టాపిక్ అవుతున్నాయి.

కూతురి గురించి వచ్చిన ఆరోపణలను ఆయన ఖండించడం జరిగింది. లావణ్య తండ్రి మాట్లాడుతూ రాజ్ తరుణ్ హీరో కావడానికి ముందు అతనికి చాలా సహాయం చేశామని అన్నారు. మనీ పరంగా చాలా సాయం చేశామని ఆయన వెల్లడించారు. కరోనా సమయంలో సైతం హెల్ప్ చేశామని అయితే చేసిన సహాయాన్ని చెప్పకూడదని లావణ్య తండ్రి వెల్లడించారు. నా కూతురికి డబ్బులు ఇస్తానని రాజ్ తరుణ్ చెబుతున్నాడని అయితే అతను ఇచ్చే డబ్బులు నాకు అక్కర్లేదని ఆయన కామెంట్లు చేశారు.

రాజ్ తరుణ్ తో నా కూతురి పెళ్లి జరిపిస్తానని నా కూతురి జీవితం కోసం ఎంతదూరమైనా వెళ్తానని అవసరమైతే ల్యాండ్ అమ్మి నా కూతురి పెళ్లి చేస్తానని లావణ్య తండ్రి పేర్కొన్నారు. నా కూతురిపై నిందలు వేయవద్దని సినిమా రంగంలో పరిస్థితులు ఒకే విధంగా ఉండవని గుర్తుంచుకోవాలని లావణ్య తండ్రి తెలిపారు. మనుషులే ముఖ్యమని రాజ్ తరుణ్ తెలుసుకోవాలని లావణ్య తండ్రి సూచనలు చేశారు.

మరోవైపు రాజ్ తరుణ్ పై ఇప్పటికే పోలీస్ కేస్ నమోదైంది. ఆగష్టు నెల 2వ తేదీన తిరగబడరా సామీ మూవీ రిలీజ్ కానుండగా ఈ సినిమా బాక్సాఫీస్ వద్ద ఎలాంటి ఫలితాన్ని అందుకుంటుందో చూడాల్సి ఉంది. వివాదాలు ఈ సినిమాకు ప్లస్ అవుతాయో మైనస్ అవుతాయో కాలమే సమాధానం చెబుతుందని చెప్పవచ్చు.