‘ఖైదీ’ ‘మాస్టర్’, ‘విక్రమ్’ వంటి సినిమాలతో తమిళంలోనే కాకుండా తెలుగులో కూడా క్రేజీ డైరెక్టర్ గా మారిపోయాడు లోకేష్ కనగరాజ్. ముఖ్యంగా ‘విక్రమ్’ సినిమాతో లోకేష్ సినిమాటిక్ యూనివర్స్ (LCU)ను క్రియేట్ చేసి ప్రేక్షకులకి కొత్తరకం అనుభూతిని పంచాడు. ఈ ఒక్క సినిమాతో ఇతను పాన్ ఇండియా దర్శకుడిగా మారిపోయాడు. ప్రపంచవ్యాప్తంగా ఈ సినిమా రూ.500 కోట్ల గ్రాస్ వసూళ్లను కొల్లగొట్టింది. అలాగే లోకేష్ తెరకెక్కించిన ‘ఖైదీ’ సినిమాకి కూడా కల్ట్ ఫ్యాన్స్ ఉన్నారు.
ఈ సినిమాలో ప్రతి సన్నివేశం ప్రేక్షకుల్ని అమితంగా ఆకట్టుకుంది. ‘మాస్టర్’ కి నెగిటివ్ టాక్ వచ్చినప్పటికీ కమర్షియల్ గా చాలా వరకు సేఫ్ అయిపోయింది. ప్రస్తుతం ఇతను విజయ్ తో ‘లియో’ అనే చిత్రాన్ని తెరకెక్కిస్తున్నాడు. అలాగే ఇతను ప్రభాస్ తో ఓ సినిమా చేయడానికి రెడీ అవుతున్నట్టు కొంతకాలంగా ప్రచారం జరుగుతుంది. తాజాగా ఈ విషయంపై లోకేష్ కనగరాజ్ క్లారిటీ ఇచ్చాడు. అతను మాట్లాడుతూ.. “నేను ప్రభాస్‌తో చేయబోయే సినిమా మా ఇద్దరి కెరీర్లలోనూ పెద్ద ప్రాజెక్ట్ అవుతుంది.
‘లియో’ సినిమా పూర్తిచేసిన తర్వాత (Prabhas) ప్రభాస్‌తో చేయబోయే సినిమా స్క్రిప్ట్ పనులు మొదలుపెడతాను” అంటూ లోకేష్ చెప్పుకొచ్చాడు. ఈ ప్రాజెక్ట్ కనుక సెట్ అయితే ఇద్దరికీ ప్లస్ అవుతుంది. ఎందుకంటే ప్రభాస్ కి తమిళంలో ఉన్న మార్కెట్ అంత స్ట్రాంగ్ గా లేదు. అలాగే తమిళ దర్శకులు ఎంత పెద్ద సక్సెస్ కొట్టినా హిందీలో మాత్రం తమిళ సినిమా రేంజ్ ను పెంచలేకపోతున్నారు. సో ప్రభాస్ – లోకేష్ కలిస్తే ఆ లోటు తీరిపోతుంది అని చెప్పాలి.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
Home