శోభన్ బాబు, జయలలితల బంధంపై ఓ స్పష్టత వస్తుందట

March 23, 2020 / 05:50 PM ISTByFilmy Focus

Join Us

శోభన్ బాబు, జయలలితల బంధంపై ఓ స్పష్టత వస్తుందట

తమిళ రాజకీయాలలో జయలలిత అనే పేరు ఓ సంచలనం. ఆమె నటిగా..నాయకురాలిగా ఎదిగిన తీరు, రాణించిన విధానం ఎందరికో ఆదర్శం. బహుముఖ ప్రజ్ఞాశాలి అయిన జయలలిత జీవితంలో వైభవంతో పాటు అనేక వివాదాలు కూడా ఉన్నాయి. సినిమాకు మించిన నాటకీయ పరిణామాలు, మలుపులు ఆమె జీవితంలో ఉన్నాయి. అందుకే ఆమె మరణం అనంతరం జయలలిత బయోపిక్ అనేది చాలా దర్శక నిర్మాతల ఫెవరేట్ సబ్జెట్ అయ్యింది. దీనితో కొందరు దర్శకులు ఇప్పటికే ఆమె బయోపిక్ చిత్రీకరణ మొదలుపెట్టేశారు.

Love Story Between Jayalalitha and Shoban Babu1

వాటిలో బాలీవుడ్ ఫైర్ బ్రాండ్ కంగనా నటిస్తున్న తలైవి మూవీ ప్రాముఖ్యత సంతరించుకుంది. తెలుగు, హిందీ మరియు తమిళ భాషలలో పాన్ ఇండియా మూవీ ఈ చిత్రం విడుదల కానుంది. కంగనా జయలలితగా ఈ చిత్రంలో నటిస్తున్నారు. కాగా జయలలిత జీవితంలో నటుడు శోభన్ బాబుకి ప్రత్యేక స్థానం ఉంది. వీరిద్దరూ ఘాడంగా ప్రేమించుకున్నారు, పెళ్లి పిల్లలు వంటి విషయాలు కూడా నడిచాయని ఎప్పటి నుండో ప్రచారం జరుగుతుంది. కాగా తలైవి సినిమాలో వీరి బంధాన్ని ప్రముఖంగా ప్రస్తావించనున్నారని వినికిడి. ఈ చిత్రం తరువాత శోభన్ బాబు, జయలలిత మధ్య ఉన్న బంధంపై ఓ స్పష్టత వచ్చే అవకాశం ఉన్నట్లు సమాచారం. మరి దర్శకుడు ఏ ఎల్ విజయ్ వీరి బంధాన్ని ఎలా తెరపై ఆవిష్కారిస్తోరో చూడాలి. ఇక జయలలిత జీవితంలో మరో కీలక వ్యక్తి రాజకీయ గురువు ఎం జి ఆర్ పాత్రను అరవింద స్వామి చేస్తున్నారు.