Love Story Collections: లవ్ స్టొరీ ఫస్ట్ వీకెండ్ కలెక్షన్స్… ఇంకా ఎంత రావాలంటే..?

September 27, 2021 / 05:42 PM ISTByFilmy Focus

Join Us

Love Story Collections: లవ్ స్టొరీ ఫస్ట్ వీకెండ్ కలెక్షన్స్… ఇంకా ఎంత రావాలంటే..?

నాగచైతన్య సాయి పల్లవి జంటగా నటించిన మొదటి సినిమా లవ్ స్టోరీ గత శుక్రవారం ప్రేక్షకుల ముందుకు వచ్చిన విషయం తెలిసిందే. శేఖర్ కమ్ముల దర్శకత్వంలో తెరకెక్కిన ఈ సినిమా మొదటి రోజు నుంచి కూడా బాక్సాఫీస్ వద్ద భారీ స్థాయిలో కలెక్షన్స్ ను అందుకుంటోంది. ముఖ్యంగా సెకండ్ వేవ్ అనంతరం ఇండియాలో అత్యధిక వసూళ్లను అందుకున్న సినిమాగా కూడా లవ్ స్టొరీ సరికొత్త రికార్డు క్రియేట్ చేసింది. యూఎస్ లో కూడా ఈజీగా 1 మిలియన్ మార్క్ ను అందుకుంది. ఇక ఫస్ట్ వీకెండ్ లోనే ఈ సినిమా బ్రేక్ ఈవెన్ టార్గెట్ లో 78 శాతం రికవరీ చేయడం విశేషం.

ఇక లవ్ స్టోరీ మొదటి వారాంతరం ప్రపంచవ్యాప్తంగా అందుకున్న షేర్ కలెక్షన్స్ ఈ విధంగా ఉన్నాయి..

ఏపీ + తెలంగాణ (టోటల్)	18.31 cr
రెస్ట్ ఆఫ్ ఇండియా	01.78 Cr
ఓవర్సీస్	04.70 Cr
వరల్డ్ వైడ్ (టోటల్)	24.79 cr

రూ.32 కోట్ల ప్రీ రిలీజ్ బిజినెస్ తో మార్కెట్ లోకి దిగిన లవ్ స్టోరీ బ్రేక్ ఈవెన్ సాధించాలి అంటే మరొక ఎనిమిది కోట్ల వరకు షేర్ కలెక్షన్స్ అందుకోవాల్సి ఉంటుంది. శని ఆదివారాలు కలెక్షన్స్ బాగానే వచ్చినప్పటికీ సోమవారం అసలు పరీక్ష మొదలుకానుంది. ఈ రోజు నుంచి వచ్చే కలెక్షన్స్ మరో నాలుగు రోజుల వరకు నిలకడగా ఉంటే ఈ సినిమా ఈజీగా ప్రాఫిట్స్ లోకి వచ్చే అవకాశం ఉంటుంది. మరి ఫైనల్ గా లాభాలు ఏ స్థాయిలో వస్తాయో చూడాలి.