ఎంతో కష్టపడి తెరకెక్కించిన RRR సినిమా వాయిదా పడడంతో రాజమౌళి ఒక్కసారిగా సైలెంట్ అయిపోయారు. ఆ సినిమాను ఎలాగైనా సంక్రాంతికి ప్రేక్షకుల ముందుకు తీసుకురావాలని ఎంతగానో ప్రయత్నాలు చేసినప్పటికీ కరోనా కారణంగా వాయిదా పడిన విషయం తెలిసిందే. ఇప్పటికే ఐదు సార్లు వాయిదా పడిన ఈ సినిమా మళ్ళీ అనుకున్న సమయానికి వస్తుందా లేదా అనేది చర్చనీయాంశంగా మారింది. మార్చి లేదా ఏప్రిల్లో సినిమాను విడుదల చేయాలని ప్రణాళికలు రచిస్తున్న విషయం తెలిసిందే.
అయితే రాజమౌళి భవిష్యత్తు ప్రాజెక్టులపై కూడా చర్చలు జరుగుతున్నట్లు తెలుస్తోంది.ఇటీవల అల్లు అరవింద్ తో రాజమౌళి ఒక ప్రత్యేకమైన సమావేశంలో పాల్గొన్నట్లు సమాచారం. మగధీర సినిమా తర్వాత వీరి కలయికలో మరో సినిమా రాలేదు. రాజమౌళి అతి పెద్ద సినిమా చేయడానికి అల్లు అరవింద్ అప్పట్లో ఎంతగానో కృషి చేశారు. మగధీర సినిమా మొదట అనుకున్న బడ్జెట్ కంటే కూడాతరువాత చాలా ఎక్కువ పెరగడంతో అల్లు అరవింద్ ఆయనపై నమ్మకం తో సినిమాను నిర్మించారు.
అయితే మధ్యలో ఈ వీరిద్దరికీ కూడా కొన్ని విభేదాలు వచ్చినట్లుగా కథనాలు కూడా వెలువడ్డాయి. కానీ అదేమీ పెద్ద గొడవ కాదు అని కూడా ఆ మధ్యకాలంలో రాజమౌళి చాలా సున్నితంగా వివరణ ఇచ్చారు. మధ్య మధ్యలో మళ్ళీ మీరు కలుసుకుంటూనే ఉన్నారు. ఇక రాజమౌళి తో మరో సినిమా చేయాలని అల్లుఅరవింద్ ప్రయత్నాలు చేస్తున్నట్లు సమాచారం. ఇటీవల అల్లు అర్జున్ పుష్ప సినిమా తో మొత్తానికి పాన్ ఇండియా హీరోగా క్రేజ్ అందుకున్నాడు.
అయితే గీతా ఆర్ట్స్ లోనే అల్లు అర్జున్ రాజమౌళి కాంబినేషన్ ను కలిపేందుకు అల్లు అరవింద్ ప్రణాళికలు రచిస్తున్నట్లు తెలుస్తోంది. నిజానికి రాజమౌళి కూడా బన్నీతో సినిమా చేయాలని ఎప్పటి నుంచో అనుకుంటున్నారు.. కానీ వీరిద్దరూ ఇతర ప్రాజెక్టులతో బిజీగా ఉండటం వల్ల కుదరలేదు. ఇక భవిష్యత్తులో మాత్రం అల్లుఅరవింద్ ప్రొడక్షన్ లోనే వీరు కలిసే అవకాశం ఉన్నట్లుగా తెలుస్తోంది. ఇటీవల నిర్మాత దర్శకుడు మధ్యలో చర్చలు కూడా జరిగినట్లు సమాచారం మరి ఈ విషయంపై అధికారికంగా ఎప్పుడు క్లారిటీ ఇస్తారో చూడాలి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home