సూపర్ స్టార్ మహేష్ బాబు భరత్ అనే నేను వంటి బ్లాక్ బస్టర్ హిట్ తర్వాత వంశీ దర్శకత్వంలో మహర్షి అనే సినిమా చేస్తున్న సంగతి తెలిసిందే. డీజే బ్యూటీ పూజా హెగ్డే హీరోయిన్ గా నటిస్తున్న ఈ చిత్ర మొదటి షెడ్యూల్ డెహ్రాడూన్ లోని కాలేజ్ లో జరిగింది. అదే ఉత్సాహంతో రెండో షెడ్యూల్ కూడా పూర్తి చేసుకుంది. మూడో షెడ్యూల్ అమెరికాలో ప్లాన్ చేశారు. దాదాపు నెల రోజుల పాటు జరిగే ఈ షెడ్యూల్ ల్లో కీలక సన్నివేశాలు చిత్రీకరించనున్నారు. అక్కడికి వెళ్ళడానికి వినాయక చవితి అయినప్పటికీ షూటింగ్ కి బ్రేక్ ఇవ్వలేదు. అందరూ షూటింగ్ లో పాల్గొన్నారు.
ఈ వారంలో అమెరికాకి పయనం అవ్వాల్సి ఉండగా.. కొన్ని కారణాల వల్ల ప్రయాణం రద్దు అయినట్లు తెలిసింది. అక్టోబర్ మొదటి వారంలో ఈ షెడ్యూల్ మొదలు కానున్నట్లు చెప్పుకుంటున్నారు. చిత్ర బృందం నుంచి మాత్రం అధికారిక ప్రకటన రాలేదు. అల్లరి నరేష్ కీలకరోల్ పోషిస్తోన్న ఈ చిత్రానికి రాక్ స్టార్ దేవీ శ్రీ ప్రసాద్ సంగీతమందిస్తున్నారు. డీజే బ్యూటీ పూజా హెగ్డే హీరోయిన్ గా నటిస్తున్న ఈ చిత్రంలో రైతుల సమస్యలపై మహేష్ పోరాడనున్నట్టు తెలిసింది. దిల్ రాజు, అశ్వినీదత్, పీవీపీ సంయుక్తంగా నిర్మిస్తున్న ఈ సినిమా ఉగాది కానుకగా ఏప్రిల్ 5 న థియేటర్లోకి రానుంది.
