ఉగాదికి సందడి చేయనున్న మహేష్, చరణ్

తెలుగు వారి కొత్త సంవత్సరాది ఉగాదిన మహేష్ బాబు, రామ్ చరణ్ లు తన అభిమానులకు కానుకలు ఇవ్వనున్నారు. తమ సినిమాల టీజర్, ట్రైలర్ రిలీజ్ చేసి ఫ్యాన్స్ ని ఆనందపజేయడానికి సిద్ధమవుతున్నారు. ప్రస్తుతం మహేష్ బాబు కొరటాల శివ దర్శకత్వంలో చేస్తున్న “భరత్ అనే నేను” షూటింగ్ చివరి దశకు చేరుకుంది. ఈ సినిమా ఫస్ట్ ఓత్ జనవరి 26 న రిలీజ్ అయి విశేషంగా ఆకట్టుకుంది. నేటి ముఖ్యమంత్రిగా మహేష్ ఫస్ట్ లుక్ లో అదరగొట్టారు. త్వరలో కైరా అద్వానీ, మహేష్ లపై ఈ పాట తెరకెక్కించనున్నారు. తర్వాత మార్చిలో చివరి షెడ్యూల్ మొదలు కానుంది.

ఏప్రిల్ 20 న థియేటర్లోకి రానున్న ఈ మూవీ టీజర్ ని ఉగాది రోజు రిలీజ్ చేయాలనీ చిత్ర బృందం భావిస్తోంది. ఇక రామ్ చరణ్ సుకుమార్ దర్శకత్వంలో చేస్తున్న రంగస్థలం సినిమా పోస్ట్ ప్రొడక్షన్ వర్క్ జరుపుకుంటోంది. సమంత హీరోయిన్ గా నటించిన ఈ చిత్రం టీజర్లు, పాటలు విశేషంగా ఆకట్టుకున్నాయి. మార్చి 30న రిలీజ్ కావడానికి ముస్తాబువవుతోంది. ఈ సినిమా ప్రీ రిలీజ్ వేడుకను మార్చి 18 నిర్వహించాలని డిసైడ్ అయ్యారు. వైజాక్ లో జరగనున్న ఈ వేడుకకు మెగాస్టార్ చిరంజీవి ముఖ్య అతిథిగా హాజరుకానున్నారు. సో ఆరోజు మెగా అభిమానులకు రెండు పండుగలన్నమాట.