సూపర్ స్టార్ ఇచ్చిన సలహాని పవర్ స్టార్ తీసుకుంటారా ?

అన్ని రంగాల్లో ఉన్నట్లే సినీ పరిశ్రమల్లోనూ పోటీ ఉంటుంది. అందరికంటే నా సినిమా ఎక్కువ విజయం సాధించాలని ప్రతి హీరో అనుకుంటారు. అంతేకానీ నా సినిమానే హిట్ అవ్వాలని ఏ హీరో కోరుకోరు. అందుకు నిదర్శనమే తాజాగా ఇండస్ట్రీలో జరిగిన సంఘటన. టాలీవుడ్ లో పవర్ స్టార్ పవన్ కళ్యాణ్, సూపర్ స్టార్ మహేష్ బాబు దాదాపు ఒకే రకమైన క్రేజ్ కలిగివున్నారు. మార్కెట్లో వీరి సినిమాల మధ్య మంచి పోటీ  ఉంటుంది. అది మార్కెట్ వరకే పరిమితమని వారి స్నేహం నిరూపించింది. మహేష్ రెండు రోజుల క్రితం పవన్ కి ఓ సలహా ఇచ్చారంట. అదే ఇప్పుడు టాలీవుడ్ హాట్ టాపిక్.

ఆ సలహా ఏమిటంటే.. తమిళ దర్శకుడు నీసన్ తో పవన్ కళ్యాణ్ ఓ సినిమా చేస్తున్నారు. ప్రముఖ నిర్మాత ఏ.ఎమ్. రత్నం నిర్మించనున్న ఈ చిత్రం దసరాకు పూజ కార్యక్రమాలు  కూడా పూర్తి చేసుకుంది. కాటమ రాయుడు తర్వాత ఈ మూవీ సెట్స్ మీదకు వెళ్లనుంది. ఈ డైరక్టర్ విషయంలో ఒక సారి ఆలోచించమని ప్రిన్స్ పవన్ ని హెచ్చరించారంట. నీసన్ దర్శకత్వంలో వచ్చిన గత సినిమా ఘోర పరాజయం పాలయిందని, అంతేకాకుండా పెద్ద హీరోల చిత్రాలను డీల్ చేసే పవర్ అతనికి లేదని వివరించారని చిత్ర వర్గాలు వెల్లడించాయి. తోటి హీరో చెప్పిన సలహాని పవన్ కళ్యాణ్ సీరియస్ గా తీసుకున్నట్లు తెలిసింది. నీసన్ దర్శకత్వంలో సినిమాపై ఎటువంటి నిర్ణయం తీసుకుంటారో కొన్ని రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.