ఇది నిజంగా అభిమానులకి కిక్ ఇచ్చే వార్తే..!

పవర్ స్టార్ పవన్ కల్యాణ్, సూపర్ స్టార్ మహేష్ బాబు ఇద్దరూ టాలీవుడ్ లో తిరుగులేని స్టార్ హీరోలు. వీళ్ళిద్దరి ఫ్యాన్ బేస్ గురించి ప్రత్యేకంగా చెప్పనక్కర్లేదు. వీళ్ళిద్దరూ కలిసి ఓ సినిమా చేస్తే బాగుణ్ణు అని .. వీళ్ళ అభిమానులు మాత్రమే కాదు టాలీవుడ్ ప్రేక్షకులందరూ కోరుకుంటున్నారు. ఇప్పుడు పవన్ ఎలాగూ రాజకీయాల్లో బిజీగా గడుపుతున్నారు. ఇక మహేష్ వరుస సినిమాలు చేస్తూ బిజీగా ఉన్నారు. ఇప్పట్లో ఇది వర్కౌట్ అయ్యే పని కాదు. కనీసం వీళ్ళిద్దరూ ఒకే స్టేజీ మీదైనా కనపడితే బాగుంటుందని వారు ఆశపడుతున్నారు. వారి ఆశ త్వరలోనే నెరవేరబోతోందని సమాచారం.

అందుతున్న సమాచారం ప్రకారం… త్వరలో ఒకే వేదిక పై వీరిద్దరూ కనిపించబోతున్నారని సమాచారం. సెప్టెంబర్ 8న హైదరాబాద్‌, గచ్చిబౌలిలోని ‘ఇండోర్ స్టేడియం’లో ప్రొడక్షన్ ఎగ్జిక్యూటివ్ యూనియన్ సిల్వర్ జూబ్లీ వేడుక జరుగబోతోంది. తెలుగు సినీ పరిశ్రమలోని ప్రొడక్షన్ మేనేజర్లందరూ ఈ కార్యక్రమానికి హాజరుకాబోతున్నారు. ఇక ఈ కార్యక్రమానికి సినీ రంగానికి చెందిన చాలా మంది ప్రముఖులు హాజరు కాబోతున్నారని సమాచారం. పవర్ స్టార్ పవన్ కల్యాణ్, సూపర్ స్టార్ మహేష్ బాబు కూడా ఆ కార్యక్రమానికి ముఖ్య అతిధులుగా హాజరు కాబోతున్నారని టాక్ నడుస్తుంది. ఒకే వేదిక పై ఈ స్టార్లిద్దరూ కనబడితే వీళ్ళ అభిమానుల పండగ చేసుకుంటారనడంలో ఎలాంటి సందేహం లేదు.