‘పేపర్ బాయ్’ కోసం ఎదురుచూస్తున్న మహేష్, ప్రభాస్

ఏదైనా పెద్ద స్టార్ హీరో, డైరక్టర్ మూవీ తెరకెక్కుతోందంటే సామాన్యులు, సెలబ్రిటీలు అని తేడా లేకుండా అందరూ దానిపై ఆసక్తి కనబరచడం కామన్. అయితే యువ నటుడు సంతోష్ నటించిన “పేపర్ బాయ్” చిత్రంపై స్టార్ హీరోలు ఆసక్తి కనబరుస్తున్నారు. కారణం సంపత్ నంది. ఏమైంది ఈవేళ, రచ్చ, బెంగాల్ టైగర్, గౌతమ్ నంద వంటి చిత్రాలను తెరకెక్కించిన సంపంత్ నంది ఈ సినిమాని నిర్మించారు. మరో కారణం ఏమిటంటే హీరో గా నటించిన సంతోష్. ఇతను డైరక్టర్ శోభన్ తనయుడు. శోభన్ కొన్నేళ్ల క్రితం మరణించిన సంగతి తెలిసిందే. అతను మహేష్ తో “బాబీ”, ప్రభాస్ తో “వర్షం” సినిమాను తెరకెక్కించారు. బాబీలో మహేష్ ని కొత్తగా చూపించారు.

“వర్షం” ప్రభాస్ కెరియర్లో తొలి సూపర్ హిట్ మూవీగా నిలిచింది. అందుకే శోభన్ అంటే ఈ హీరోలకి ప్రత్యేక అభిమానం. ఈ కారణంగానే సంతోష్ శోభన్ సినిమాపై ప్రభాస్, మహేష్ లు ఆసక్తి కనబరుస్తున్నారు. అలాగే ఆ చిత్రానికి సపోర్ట్ కూడా ఇస్తున్నట్టు తెలిసింది. త్వరలోనే ఈ సినిమా తొలి కాపీ చూసి తమ అభిప్రయాలను అందించనున్నారు. రియా సుమన్ హీరోయిన్ గా నటించిన ఈ మూవీ ఈ నెల 31వ తేదీన రిలీజ్ కానుంది. ట్రైలర్ తో అందరినీ ఆకట్టుకున్న ఈ సినిమా ఎంతమేర విజయం సాధిస్తుందో చూడాలి.