సూపర్ స్టార్ మహేష్ బాబు ఫ్యాన్స్ సర్కారు వారి పాట అప్ డేట్స్ గురించి ఆసక్తిగా ఎదురుచూస్తున్న సంగతి తెలిసిందే. కృష్ణ పుట్టినరోజు సందర్భంగా ఈ సినిమాకు సంబంధించిన అప్ డేట్ రావాల్సి ఉన్నా కొన్ని కారణాల వల్ల ఆరోజు అప్ డేట్ రాలేదు. అయితే మహేష్ పుట్టినరోజున ఫ్యాన్స్ కు డబుల్ ట్రీట్ ఉండబోతుందని తెలుస్తోంది. సర్కారు వారి పాట ఫస్ట్ లుక్ తో పాటు ఆరోజు ఫస్ట్ సింగిల్ రిలీజయ్యే అవకాశాలు ఉన్నాయని సమాచారం.
గతంలో మ్యూజిక్ డైరెక్టర్ థమన్ ఆగష్టులో సర్కారు వారి పాట ఫస్ట్ సింగిల్ రిలీజ్ చేస్తానని చెప్పారు. తాజాగా థమన్ “ఆగష్టు.. కమ్ సూన్ బేబీ” అని ట్వీట్ చేయగా ఈ ట్వీట్ సర్కారు వారి పాట అప్ డేట్ గురించే అని అర్థమవుతోంది. మహేష్ పుట్టినరోజున మహేష్ త్రివిక్రమ్ సినిమాకు సంబంధించిన అప్ డేట్ కూడా వచ్చే అవకాశాలు అయితే ఉన్నాయని చెప్పవచ్చు. ఇప్పటికే సర్కారు వారి పాట సినిమా నుంచి లీకైన డైలాగ్ సినిమాపై అంచనాలను అమాంతం పెంచేసింది.
దర్శకుడు పరశురామ్ మహేష్ ను ఈ సినిమాలో కొత్తగా చూపించబోతున్నారని తెలుస్తోంది. సర్కారు వారి పాట రికార్డు స్థాయిలో కలెక్షన్లను సాధిస్తుందని మహేష్ బాబు ఫ్యాన్స్ భావిస్తున్నారు. సరిలేరు నీకెవ్వరు సినిమా గతేడాది విడుదలై బ్లాక్ బస్టర్ హిట్ కాగా సర్కారు వారి పాట ఎలాంటి రికార్డులను క్రియేట్ చేస్తుందో చూడాల్సి ఉంది. గీతాగోవిందం సినిమాతో సక్సెస్ సాధించిన పరశురామ్ ఈ సినిమాతో మరో సక్సెస్ సాధిస్తే స్టార్ డైరెక్టర్ గా గుర్తింపును సొంతం చేసుకునే అవకాశాలు ఉన్నాయి.
Augusstttttttttttttttttttt !! Come soon Baby ♥️
— thaman S (@MusicThaman) July 20, 2021
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
