టాలీవుడ్ ఇండస్ట్రీలో సూపర్ స్టార్ గా కొనసాగుతున్నటువంటి మహేష్ బాబు గురించి ప్రత్యేకంగా చెప్పాల్సిన పనిలేదు. ఇక ఈయన గారాల పట్టి సితార గురించి అందరికీ ఎంతో సుపరిచితమే ఇంత చిన్న వయసులోనే ఎంతో మంది అభిమానులను సొంతం చేసుకున్నటువంటి సితార తాజాగా ఓ నగల సంస్థకు బ్రాండ్ అంబాసిడర్ గా మారిన విషయం మనకు తెలిసిందే. సితార ఇంకా టీనేజ్ లోకి అడుగు కూడా పెట్టకుండానే విపరీతమైన ఫాలోయింగ్ సొంతం చేసుకున్నారు.
ఇంత చిన్న వయసులోనే ప్రముఖ నగల తయారీ సంస్థకు బ్రాండ్ అంబాసిడర్ గా వ్యవహరించారు అంటే తనకు ఎలాంటి ఫాలోయింగ్ ఉందో అర్థమవుతుంది. అయితే ఈ యాడ్ కు సంబంధించిన షూటింగ్ కూడా ఇదివరకే పూర్తి చేసుకున్న విషయం మనకు తెలిసిందే. ఇకపోతే తాజాగా ఈ యాడ్ ను టైమ్‌ స్క్వైర్‌లో ప్రదర్శించారు. ఈ విషయాన్ని సితార తల్లి నమ్రతా శిరోద్కర్‌ సోషల్ మీడియా ద్వారా వెల్లడించారు. అమెరికా స్వాతంత్ర్య దినోత్సవం సందర్భంగా నేడు(మంగళవారం) ఈ యాడ్‌ని ప్రదర్శించడం విశేషం అని షేర్ చేశారు.
ఇలా నమ్రత ఈ విషయాన్ని తెలియజేయడంతో ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. ఇక ఈ ఫోటోలలో సితార ఒక ప్రిన్సెస్ లా ఉందని చెప్పాలి. ఎంతో అద్భుతమైన నగలను ధరిస్తూ క్యూట్ ఫోటోలకు ఫోజులిచ్చారు.ఇక ఈ ఫోటోలు చూసినటువంటి మహేష్ అభిమానులు ఎంతో సంతోషం వ్యక్తం చేస్తున్నారు. అయితే తన కుమార్తె సాధించిన ఈ అరుదైన ఘనత గురించి మహేష్ బాబు సోషల్ మీడియా వేదికగా స్పందిస్తూ చేస్తున్నటువంటి పోస్ట్ ప్రస్తుతం వైరల్ అవుతుంది.
ఈ క్రమంలోనే మహేష్ బాబు (Mahesh Babu) సితారకు సంబంధించిన వీడియోని సోషల్ మీడియా వేదికగా షేర్ చేస్తూ టైమ్‌ స్క్వైర్‌నే వెలిగిస్తున్నావు, నిన్ను చూస్తుంటే చాలా గర్వంగా ఉంది. ఇలానే కొనసాగించు అంటూ సంతోషం వ్యక్తం చేశారు. ఇలా తన కూతురు ఇంత చిన్న వయసులోనే ఇలాంటి క్రేజ్ సొంతం చేసుకోవడంతో మహేష్ బాబు కూడా ఎంతో సంతోషం వ్యక్తం చేస్తున్నారని తెలుస్తుంది. ఇలా సితారను చూస్తుంటే ఈమె భవిష్యత్తులో ఇండస్ట్రీలో స్టార్ హీరోయిన్ గా కొనసాగుతుందనడంలో సందేహాలు వ్యక్తం చేయాల్సిన పనిలేదు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
