మహేష్ బాబు త్రివిక్రమ్ కాంబినేషన్ సినిమా ప్రకటన వెలువడినప్పటి నుంచి సూపర్ స్టార్ ఫ్యాన్స్ మాత్రం తెగ కంగారు పడుతున్నారు. పూరీ జగన్నాథ్, శ్రీను వైట్ల, కొరటాల శివ, వంశీ పైడిపల్లి, అనిల్ రావిపూడి, గుణశేఖర్, మరి కొందరు డైరెక్టర్లు మహేష్ బాబుతో బ్లాక్ బస్టర్ సినిమాలను తెరకెక్కిస్తే త్రివిక్రమ్ మాత్రం మహేష్ బాబుతో క్లాసిక్ సినిమాలను తెరకెక్కించినా బ్లాక్ బస్టర్ సినిమాలను తెరకెక్కించలేకపోయారు. అతడు సినిమా హిట్ రిజల్ట్ ను అందుకున్నప్పటికీ ఆ సినిమా నిర్మాత మురళీమోహన్ కు కొంతమేర నష్టాలు వచ్చాయని సమాచారం.
ఖలేజా సినిమా నిర్మాతలు సి కళ్యాణ్, శింగనమల రమేష్ లకు భారీగా నష్టాలను తెచ్చిపెట్టింది. అయితే ఆసక్తికర విషయం ఏమిటంటే అతడు, ఖలేజా సినిమాలు రెండూ బుల్లితెరపై మాత్రం బ్లాక్ బస్టర్ హిట్లుగా నిలిచాయి. స్టార్ మా ఛానెల్ లో అతడు సినిమా ఇప్పటికీ మంచి టీఆర్పీ రేటింగ్ లను అందుకుంది. ఖలేజా శాటిలైట్ రైట్స్ ను తీసుకున్న జెమినీ ఛానెల్ కు సైతం ఖలేజా మూవీ వల్ల లాభాలు వచ్చాయి.
పవన్ కళ్యాణ్ కు అత్తారింటికి దారేది సినిమాలా అల్లు అర్జున్ కు అల వైకుంఠపురములో సినిమాలా మహేష్ కు కూడా త్రివిక్రమ్ ఇండస్ట్రీ హిట్ ఇవ్వాలని ఫ్యాన్స్ భావిస్తున్నారు. మరి త్రివిక్రమ్ ఆ రేంజ్ హిట్ ఇస్తారో లేదో అని మహేష్ ఫ్యాన్స్ టెన్షన్ పడుతున్నారు. మహేష్ బాబు ఫ్యాన్స్ కోరిక త్రివిక్రమ్ కు అర్థమవుతుందో లేదో చూడాల్సి ఉంది. పాత లెక్కలన్నీ త్రివిక్రమ్ శ్రీనివాస్ ఈసారైనా సరి చేస్తారో లేదో తెలియాలంటే వచ్చే ఏడాది సమ్మర్ వరకు ఆగాల్సిందే.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
