రామ్ చరణ్ ను ఫాలో అవ్వనున్న మహేష్!

ఒక్కోసారి సినిమాలు ఫ్లాపైనా కాంబినేషన్ లు మాత్రం రిపీటవుతుంటాయి. రీసెంట్ గా రామ్ చరణ్ “బ్రూస్ లీ” సినిమా డిజాస్టర్ అయినా సరే ఇమ్మీడియట్ గా “ధృవ” సినిమా కోసం రకుల్ ను ఎంపిక చేసుకొన్నాడు. ఇప్పుడు మహేష్ బాబు కూడా అదే పద్ధతిని ఫాలో అవుతున్నాడు. రీసెంట్ గా రకుల్ తో నటించిన “స్పైడర్” ఆశించిన స్థాయిలో విజయం సాధించకపోయినా “భరత్ అనే నేను” అనంతరం వంశీ పైడిపల్లి దర్శకత్వంలో నటించబోయే తదుపరి చిత్రంలో రకుల్ ప్రీత్ సింగ్ ను మరోమారు సెలక్ట్ చేసుకొన్నాడు.

ఇంతకుమునుపు ఈ సినిమాలో కథానాయికగా పూజా హెగ్డే పేరు వినిపించినప్పటికీ.. ఆమె స్థానంలో రకుల్ ను ఫైనలైజ్ చేసినట్లు తెలుస్తోంది. భారీ బడ్జెట్ తో రూపొందనున్న ఈ చిత్రం రెగ్యులర్ షూట్ మార్చి నుంచి మొదలవ్వనుంది. ఈ సినిమాలో ఓ ప్రముఖ బాలీవుడ్ విలన్ నటించనున్నట్లు సమాచారం. మరి రామ్ చరణ్ కు అచ్చోచ్చినట్లే మహేష్ కూ సెట్ అయ్యి సూపర్ హిట్ కొడతాడో లేదో వేచి చూడాల్సిందే.