సూపర్ స్టార్ మహేష్ బాబు వంశీ పైడిపల్లి కాంబినేషన్ లో వచ్చిన మహర్షి సినిమా బ్లాక్ బస్టర్ హిట్ కావడంతో పాటు రికార్డు స్థాయిలో కలెక్షన్లను సాధించిన సంగతి తెలిసిందే. మహేష్ బాబు 25వ సినిమాగా ఈ సినిమా తెరకెక్కింది. ఈ సినిమాకు దేవి శ్రీ ప్రసాద్ సంగీతం అందించగా దిల్ రాజు, అశ్వనీదత్, పీవీపీ ఈ సినిమాకు నిర్మాతలుగా వ్యవహరించడం గమనార్హం. ప్రముఖ ఎంటర్టైన్మెంట్ ఛానెల్స్ లో ఒకటైన జెమినీ టీవీ ఈ సినిమా శాటిలైట్ హక్కులను కొనుగోలు చేసింది.
మహేష్ బాబు ఫ్యాన్స్ కు బాగా నచ్చేసిన ఈ సినిమా బుల్లితెరపై పదోసారి ప్రసారమై అదిరిపోయే టీఆర్పీ రేటింగ్ లను సొంతం చేసుకుంది. ఈ స్థాయిలో టీఆర్పీ రేటింగ్ ను సొంతం చేసుకోవడం సాధారణ విషయం కాదని మహేష్ బాబు అభిమానులు అభిప్రాయపడుతున్నారు. మహేష్ బాబుకు మాత్రమే ఇలాంటి రికార్డులు సాధ్యమవుతాయని కామెంట్లు చేస్తున్నారు. మహేష్ ఫ్యాన్స్ ఈ వార్త తెలిసి సంతోషించడంతో పాటు సంబరాలు జరుపుకుంటున్నారు.
మరోవైపు మహేష్ ప్రస్తుతం పరశురామ్ డైరెక్షన్ లో సర్కారు వారి పాట సినిమాలో నటిస్తున్నారు. ఈ సినిమాకు లెంగ్తీ విదేశీ షెడ్యూల్ ఉండగా త్వరలో సర్కారు వారి పాట చిత్రయూనిట్ విదేశాలకు బయలుదేరనుందని సమాచారం. ఈ షెడ్యూల్ పూర్తైన తర్వాత మహేష్ త్రివిక్రమ్ కాంబినేషన్ మూవీ షూటింగ్ ప్రారంభం కానుంది. ఈ ఏడాది మహేష్ నటించిన ఒక్క సినిమా రిలీజ్ కాకపోయినా వచ్చే ఏడాది మాత్రం మహేష్ హీరోగా తెరకెక్కుతున్న రెండు సినిమాలు రిలీజ్ కానున్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home