భారీ చిత్రాల దర్శకుడు శంకర్‌ తీసిన ఏకైక రీమేక్‌‘స్నేహితుడు’ ఒకటి. తమిళంలో ‘నన్బన్‌’గా వచ్చిన ఈ సినిమా మంచి విజయం సాధించింది. అయితే తెలుగులో ‘స్నేహితుడు’గా డబ్‌ అయ్యింది. తమిళంలో మంచి విజయం అందుకున్న ఈ సినిమా తెలుగులోకి వచ్చేసరికి ఉసూరుమనిపించింది. దీంతో ఆ రోజుల్లో తెలుగులోనూ ఇమేజ్‌ పెంచుకుందామనుకున్న విజయ్‌ కోరికకు బ్రేక్‌ పడింది. అయితే ఆ రోజు విజయ్‌ ప్లేస్‌లో ఉండాల్సిన మహేష్‌ బాబు కొద్దిలో మిస్ అయ్యాడని తెలుసా?
‘3 ఇడియట్స్‌’ చూసి నచ్చిన దర్శకుడు శంకర్‌… ఆ సినిమాను తమిళంలోకి తీసుకొద్దామని అనుకున్నారట. అందులో ఆమీర్‌ ఖాన్‌ పాత్రను మహేష్‌ బాబుతో చేయిద్దామని శంకర్‌ అనుకున్నారట. దీని కోసం ఆయన్ని సంప్రదించారు కూడా. రీమేక్‌లంటే ఇష్టం లేకపోయినా… శంకర్‌ కోసం ఓకే అన్నారట. అయితే ఈ లోపు ‘దూకుడు’ సినిమా కథ తన దగ్గరకు రావడంతో… ‘స్నేహితుడు’ సినిమాను పక్కనపెట్టేశారట. ఒకవేళ ‘దూకుడు’ కథను శ్రీను వైట్ల కాస్త ఆలస్యంగా తీసుకొచ్చినా, ఆ సినిమా నచ్చకపోయినా ‘3 ఇడియట్స్‌’ రీమేక్‌లో మహేష్‌ నటించేవాడే.
‘స్నేహితుడు’ ఫలితం విజయ్‌ చేయడం వల్ల ఇలా ఉందేమో కానీ… మహేష్‌ చేస్తే ఫలితం వేరేలా ఉండొచ్చు అని కూడా అనుకోవచ్చు. ఆ విషయం అయితే తెలియదు కానీ… మహేష్‌ అయితే మాత్రం ఆ రోజు మంచి పనే చేశాడు. అన్నట్లు ఆ సినిమా చేసుంటే… ‘స్పైడర్‌’ కంటే ముందే మహేష్‌ కోలీవుడ్ ఎంట్రీ అయిపోయేది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home