సినిమా షూటింగ్‌లో చిన్న గ్యాప్‌ వస్తే చాలు.. ఫారిన్‌ టూర్లు వేసే హీరోల్లో మహేష్ బాబు ఒకరు. ఏడాదిలో కనీసం మూడు, నాలుగు సార్లు టూర్లకు వెళ్తుంటారు మహేష్ బాబు. ఆ మధ్య ఎన్టీఆర్ కూడా మహేష్ టూర్ల మీద జోకు లేశాడు. మనం కూడా చాలాసార్లు ట్రిప్‌లు వేశాడు. ‘సర్కారు వారి పాట’ ప్రమోషన్స్‌ కోసం ఇలా వచ్చి, అలా చేసి వెళ్లిపోయాడు. ఇప్పుడు మరోసారి ఫారిన్‌ ట్రిప్‌ వేయడానికి మహేష్ రెడీ అవుతున్నాడట.
అదేంటి.. ఆగస్టులో త్రివిక్రమ్‌ సినిమా మొదలవుతుందని ఇందాకే వీడియో విడుదల చేశారు కదా అంటారా. నిజమే ఆ సినిమా ప్రారంభించే నాటికి మహేష్‌బాబు వచ్చేస్తాడట. అయితే ఈసారి వెళ్తోంది విహార యత్ర కోసం కాదట. గౌతమ్ కోసమట. అవును, గౌతమ్‌ను ఉన్నత చదువుల కోసం విదేశాల్లో జాయిన్ చేయాలని చూస్తున్నారట. దీని కోసం కుటుంబంతో సహా విదేశాలకు వెళ్లి కళాశాలలో చేర్పిస్తారని టాక్‌. అయితే ఏ దేశానికి వెళ్తున్నారు అనేది తెలియాల్సి ఉంది.
గౌతమ్ కొన్ని రోజుల క్రితం ఇంటర్ ఇక్కడే జాయిన్ అయ్యాడు. మరి మళ్లీ మార్చి విదేశాల్లో జాయిన్ చేస్తున్నారా? అనే క్లారిటీ కూడా రావాల్సి ఉంది. ఈ కారణంగానే జులైలో మొదలవ్వాల్సిన త్రివిక్రమ్‌ సినిమా ఆగస్టు నుండి ప్రారంభం అవుతోంది అని అంటున్నారు. ఈ సినిమాకు సంబంధించి గత కొన్ని రోజులుగా చాలా రకాల వార్తలు వస్తున్నాయి. త్రివిక్రమ్‌ చెప్పిన వెర్షన్లు మహేష్‌కి ఇంకా నచ్చలేదని, ఇంకా మార్పులు సూచించారని చెబుతున్నారు.
మరి సినిమా ఆగస్టుకి వెళ్లడానికి స్క్రిప్ట్‌ కారణమా, గౌతమ్ చదువు కారణమా అనేది తెలియాలి. ఇక SSMB28 తర్వాత మహేష్‌బాబు.. రాజమౌళి సినిమా ప్రారంభించాల్సి ఉంది. ఈ సినిమా మొదలుపెడితే కనీసం మూడేళ్లు మహేష్‌బాబు నుండి సినిమాలు రావు. కాబట్టి త్రివిక్రమ్‌ సినిమా తర్వాత మహేష్‌ను చూడాలంటే మరో మూడు, నాలుగేళ్లు ఆగాల్సిందే. కాబట్టి త్రివిక్రమ్‌ సినిమా ఫ్యాన్స్‌కి, ప్రేక్షకులకు ఫీస్ట్‌లా ఉండాలని మహేష్ ఆలోచిస్తున్నాడని టాక్‌.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
