కాటమరాయుడు సినిమాలో మహేష్ బాబు గెస్ట్ రోల్

పవర్ స్టార్ పవన్ కళ్యాణ్, సూపర్ స్టార్ మహేష్ బాబు మధ్య మొదటి నుంచి మంచి అనుబంధం ఉంది. ప్రిన్స్ హీరోగా పరిచయం అవుతున్నప్పుడు పవన్ బొకే తో ఆహ్వానించారు. అర్జున్ సినిమా పైరసీ గొడవలో మహేష్ కి పవన్ అండగా నిలిచారు. ఆ స్నేహంతోనే జల్సా సినిమాకి మహేష్ వాయిస్ ఓవర్ ఇచ్చారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన ఆ మూవీ విజయం సాధించింది. ఆ సెంటిమెంట్ తో పవన్ తన మిత్రుడు మహేష్ బాబు ని కాటమరాయుడు సినిమాలో నటించమని కోరారు. అందుకు ప్రిన్స్ ఒప్పుకొని స్పెషల్ అప్పీరియన్స్ ఇస్తున్నట్లు ఫిల్మ్ నగర్ వాసులు చెప్పుకుంటున్నారు.

డాలీ దర్శకత్వంలో రూపుదిద్దుకుంటున్న ఈ మూవీ శరవేగంగా షూటింగ్ జరుపుకుంటోంది. నార్త్ స్టార్  ఎంటర్ టైన్మెంట్స్ బ్యానర్ పై శరత్ మరార్ నిర్మిస్తున్న ఈ చిత్రం ఉగాది కానుకగా మార్చి 24 న రిలీజ్ కానుంది. అనూప్ రూబెన్స్ సంగీతమందిస్తున్న ఈ ఫిల్మ్ లో పవన్ కి తమ్ముల్లుగా అజయ్, శివ బాలాజీ, కమల్ కామరాజు నటిస్తున్నారు. గబ్బర్ సింగ్ తర్వాత శృతిహాసన్ ఇందులో పవన్ సరసన మళ్లీ నటిస్తోంది. ఎన్నో హంగులతో రూపుదిద్దుకున్న కాటమరాయుడు లో మహేష్ నటిస్తుండడం చిత్రం రేంజ్ ని పెంచింది.

Also, do SUBSCRIBE to our YouTube channel to get latest Tollywood updates.